Lomɛ́ŋ 8မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Dɛgɔ́lɛnsan sɔ́n ká, manda gidigid mámanɛná ebe bébílénené Gɔdányá, ebe umáabɛ́lɛ́gɛ́n gɔɔ́gɔ anɛ́ uméeŋín ndán, uguála ká mábá bese gɔ́b góbusió.

Ɛɛ́ɛɛ! Ngúlɛnsan bese na bese ká buanda búganúdiádɔ́n na ɛlɛka yág dɛba: Ta nigú, ta gusɔ́d, ta ɛngɛlɛs bá Gɔdányá, ta mefuŋ, ta biliíndie, ta manda mábiálaná ínen, ta máganúbiála nŋɔɔ́guɔ́, ta buanda búnyá na bugaga ugumuana, ta manda má muana, ta manda má gusígúsié wá gus, ta gɛlɔŋalɔŋa gimodió, ta buanda búdɛ́bá búgúdiádɔ́n na ɛlɛka ɛyɛ́ Gɔdányá didíyenyé agá gélem gá Ɔgúnɔ́ wasɔ Yésu Kilíse.

Anaány sɔ́n, Ɛsámb yá Mefuny íyɛ́ sɔ́n dídúgúnené, gágual ká dɛdɛ́bá na magɛnda. Dɛdɛgúlɛnsaan gubísógólidi anyɛ́ buófonó, kanyɛ́ búnyá ká, Ɛsámb yá Mefuny iyɛ́ muát ígúbísógólonyi Gɔdányá gás góbúsió na gɛbɛm ɛgɛ́ niíd diábáná bágɔ́lɛns guɔyɛd.

Giág gindodi dínyá bɔ́guɔyɛd e? Gɔdányá mábá nasɔ, ányá unyá bégúdémbényi nasɔ e?

Nɛ́nuán gɔg, bádɛ́bá báguand gugélenyi ebe bányá baladán ná Yésu Kilíse.

Mɔnd máala gubílén gá nuɔ́l nág, ugúbaan agá nigú, ewe uládaná Ɛsamb yá Mefúny gubaan agá gusɔ́d na bumben.

Ta anyɛ́ búnyá anaány, basuá dinyá guyág, agá gélem gá ewe uméedíbílén.

Gá úgám, nguánan ká muyú má gɛsɛgɛl gá inen dɛbá na nŋediny na nugúm unú Gɔdányá génúdídíye.

Giág gínyá bágúdiádɔ́n na ɛlɛ́ga ya Kilíse e? Muyú e? Nŋágɛ́nɛn e? Nugényígeny e? Nsana na gɔsɔ́g e? Ta ɔ́g ká bɔbɛ na nigú e?

Ewe wánaná ɛdɛm gúlɛnsan buanda ubú Ɛsámb yá Mefúny ambaná guófún: gágual ká ígúbísógólonyi Gɔdányá gɔɔ́gɔ anɛ Gɔdányá muát bílénené góbusió bú ebe bányá bág.

Kányɛ gúnyɛ ká, ebe gidigid ɔbɔ́ Ɛsámb yá Mefúny éndenyé nyɛ baan bá Gɔdányá.

Búnyɛ ká, ebe bɔsɔ́dɔnɔ́ agá gubílén gá duɔ́l dɔ́b guála manda mólóninó ɔgɔ́b gá ɛdɛm. Ebe gɔg bɔ́sɔ́dɔnɔ́ anyɛ́ Ɛsámb yá Mefúny bílénené, guala ubú Ɛsámb yá Mefúny bílénené.

Ta mɔɔn waga wá muát, udɛmabagɛn wɔ́ nugényigény, uwéŋin wɔ́ ká úgú gás góbúsió basuá bem. Nanyá udiábáná bágúdɛ́fá buand gidigid agá gélem gá mɔɔn waga e?

Ɛsámb yá Mefúny íyɛ́ muát, gudiɔ́yɔɔn ká dinyɛ baan bá Gɔdányá. Anɛ́ búnyá gɔg ká dɛnyɛ baan bá Gɔdányá, dɛgadáŋáb niaf agá manda ɔmɔ́ umáadɛ́dánɛn. Dɛgadáŋáb manda amaány ɔlɔŋ na Kilíse, gágual ká, dɛ́mɔ́bɛ́gɔɔ́n anyɛ uwɔ́, dɛgadáŋáb nugúm anyɛ uwɔ́.

Mɔnd walaná gubílén gá nuɔ́l nág nyɛ ɔmbɛlɛ́mbɛ́l wá Gɔdányá, udɛguanda anyɛ́ bisele bá Gɔdányá ɔ́yɔnɔ́, udɛbá muát wáguandɛd nɔ́.

Gus gidigid ugú Gɔdányá máalɔŋá nyɛ eŋís agá nŋili ká guán gɛsɛgɛl ɛgɛ́ Gɔdányá génúdíye ebe bányá baan bág

Dɛgɔ́lɛ́nsaan gɔg nɛ́nuán ká gus gidigid ɔgɔ́ bámaálɔŋá maányá gubɛma guónd guɔ́bɛ́gɔɔn gɔɔ́gɔ anɛ agánd ubiénené.