Luka 17မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Aya, a zlepene ŋ ɗala Samarəya wese, a ŋgaya: «Gwarzam, nda, hwa kéreh ŋkwa mavəday maa hwa kélemzekey aza a unaf ŋkwa.»

Mada a la gay a tama ŋkwa gas ŋsəleɗ ata pes teŋguleŋ, cemey, mada a zenha ara hwa gas ŋsəleɗ anta yam, a zlapahwaw, a ŋgaya: “Mbahw, sa kála gay a tama ŋkwa!” ca, pelzene gay anta aka.»

Ɗala teŋguleŋ ŋ taba tata aka, maa a gəre kásaɗ anta ca, a zenha ara Yesu, a kahəmanza Gazlavay ara a mazlazlay. A hwasha ara Yesu, a gəleɓ asa ŋgas anta, mananakw dac ata hayak, aya, a lene wasay. Heje anta ara ɗala Samarəya.

Hune sla ka kadak kadak!» «Mada zlanahw kála gay ca, ŋgazaw. Mada kája mbahw aza ca, pelzene gay anta aka.

Aya, Yesu a ɗawzata hejəye ma a təwse ege, a ŋgaya: «Fagwalakw ege ma saɗ tata ca, tata wam tata, tewtew vaw sa ya? Ca, səy ɗala teŋguleŋ ma zenha ete ŋghe, ma jafaɗ ege əy a katay?

Aya, Bay Madakal a zenetene, a ŋgaya: «Mada hune kélemzekey ŋ unaf ŋkune ege kaw cekuɗe ende ŋghe ana mba venjeh ca, hune kula aza ŋ zlepene ŋ gevde ŋghe: “Daɗ ŋkwa ete ŋghe, nda ŋ ŋgaɓ ha ŋkwa ŋ lakwat ma dakal!” Ca, a netehzahune zlam.»

Kaw vayay, ma mpam ŋ rehza ha anta aza ca, a nefətekza aza. Cemey, ɗala ma fətekza ha anta aza ca, a nendewzene aza.

Yesu a zlepetene ŋ madarlaŋw anta ege, a ŋgaya: «Kaw vepey, səkan ege ma kanabaɗzata hejəye ŋ la gay ca, aka. Cemey, dadawar a nendewzene ŋ ɗala ma ŋcakwzata hejəye ŋ la gay anta! Ca, zukwan əy mejewene ŋkəɗaŋ ma dakal a ula, əy manahza ŋ ŋtele yam, mamac anta aha maa a kanaŋcakwza ɗala teŋguleŋ ŋ taba hejəye ma lamza ma naka aza ege, ŋ la gay.

«Vah maa sa, sa Mba Ɗala sa kanandaha ca, səkan ege əy nala ana səkan ma laha ege ata vah mala Nuhu. Ata vah anta wese ca, hejəye əy kazam səkan, əy kasa səkan, əy kaca weləye, əy kavalzata heldəməye tata ege asa mawal, ha hwas a pes maa Nuhu a dam anta ŋ kwambawal. A dəwze anta, van a ɗaha dakala mambaza ghef ata hayak, fətek a fətekzata hejəye aza tewtew.»