Lucas 8မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Buri ãpẽrãpe otecape ñurõ ʉseariditaropʉ ñacũmuriguera abiro ñawã. Cʉ̃jã ñurõ tʉorugari yeripũnamena yaye quetire wedeñerõcã ñurõ tʉo tiere queoro yʉrucũwã ĩñerõcã ĩcãdiamacãrã wedewõrucũrã ñawa. Tairo tira Manigʉ̃cã borora abiro tira ĩcãwõ ñurõ dicacʉtiriwõrã abiro nigawa ―ĩyugʉ Jesús.

Ãpẽrã pota watoapʉ ñacũmuãriguera abiro ñawã. Cʉ̃jã yaye quetire tʉora ñurõ tʉogawa tʉorapʉa. Buri õpemena atibʉreco maquẽpere bʉtoro wãcũnʉnʉremena, paje cʉorugaremena atibʉreco maquẽrẽ nobore tirugarucũrã niñerõcã atie pota wicametʉariarora abiro cʉ̃jãrẽ posomocãga. Atiere tinirã Manigʉ̃ye quetire acõbonirã cʉ̃cã borere tiherigawa. Tairo tira yucʉgʉ dicamanirigʉra abiro nigawa.

Ãpẽrã basoca ʉ̃tãperi watoapʉ ñacũmuãriguera abiro ñawã. Cʉ̃jã tie quetire ñurõ ʉsearemena tʉocaperacã ñurõ wedewõherigawa. Buri cʉ̃jã nʉcõrĩ cʉotutuherera abiro ñawã. Nocãrõmerã ñurõ wedewõmirõsiro cʉ̃jãrẽ ãpẽrã ñañarõ tiñerõcã ĩñarã wedewõdumocãgawa.

Siro Jesús cʉ̃ buerare ĩyugʉ: —¿Marĩcʉ̃ mʉjã yʉre wedewõrẽ cʉoherijomocãrĩ? Cʉ̃jã bʉtoro ʉcʉa, ĩñamaniãriara ninirã cʉ̃jãbasurupe came sãĩñayura: —¿Daigʉno basocʉ ñari ãni tocãrõ tutuare cʉogʉ? Cʉ̃rẽ wĩnopʉra, ocoturipʉra ñurõ yʉ ―ĩyura.

Ĩcãrã basoca tie quetire tʉora mapʉ ñacũmuãriguera abiro ñawã. Cʉ̃jãcã tie quetire tʉoariasiro wãtĩã nirũpʉ̃pe wati cʉ̃jãcã tʉosãmoãriguegãrẽ emapetimocãgawi. Wãtĩã nirũpʉ̃ tairo tigawi cʉ̃jãrẽ tiere wedewõheri, Manigʉ̃rẽ cʉ̃jãrẽ cametʉoherimocãro ĩgʉ̃.

”Atiera abiro tosʉgueropʉ basocacã masĩyoyamanirigue masĩyoroacu. Yajioropʉ niriguecã tairora baunirõpʉ nirõ earoacu. Yaye maquẽ tʉomasĩñamaniriguere siropʉra sĩãworiga nipetiropʉre bowerora abiro tʉomasĩpetiyoroacu.

Cʉ̃cã tairo ĩñerõcã tʉogo “cʉ̃ masĩsiawi, yʉra ñeĩñatiwʉ” ĩgõ bʉtoro cui nananarẽmena Jesúya dʉpori cʉtiropʉ ãsʉ̃rʉ̃poperimena eacumuãyugo. Nipetira tʉocoropʉ cocã ñeĩñariguere ĩñerõcã cocã ñeĩñarẽmena ñujeariguere wedeyugo. Jesús core ĩyugʉ: —Yʉmacõ, yʉre wedewõrẽ cʉonigõ mʉya diarere cametʉoyoarigopʉ pʉtʉa. Ñurĩwãmemena pʉtʉaya ―ĩyugʉ Jesús.

Tairo warere ĩñarã Jesúre wãcõrã wayura. Cʉ̃rẽ abiro ĩyura: —Ʉ̃sã Buegʉ, marĩ miniduiarapʉ ya. Cʉ̃jãcã tairo ĩñerõcã tʉogʉ Jesús wʉmʉnʉcã tie wĩnorẽ, ocoturire nʉcʉ̃ãdotiyugʉ. Tie nipetire nʉcʉ̃ãduiapetiasuyuro.