Juan 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Manigʉ̃ye wederucũrẽrẽ ojayoriapũpʉ ĩrõrã abirora yʉre wedewõrãnoya yeripũnarĩpʉre oco catire nʉnirẽrã abiro docamunerucũyora nirõãgawa ―ĩwĩ.

Wiserigã tiribosebʉreco upabʉreco nitʉoribʉreco, wapacʉtiribʉrecojoro niwʉ̃. Tairo tigʉ tibʉreco niñerõcã Jesús wʉmʉnʉcãwa, basocare bʉtoro bʉsʉromena abiro ĩ wedewi: —Oco sĩniruga ñemesipioyorano yʉ cʉtiropʉ sĩnirã watiya.

Cʉ̃ “oco docamunerucũrõrã abiro catire nʉni” ĩ wederucũgʉ̃ “cʉ̃rẽ wedewõrã earare Espíritu Santore ñerõãgawa” ĩrugagʉ tiwi. Buri Jesús cõwõã masãmʉãwaheririgʉ niwĩ marĩcʉ̃. Tairo tigʉ cʉ̃ Espíritu Santope tidujiocoyoya manirigʉ niwĩ.

Mʉjã yʉcã tirere ñurõ tʉomasĩhericaperacãrã wedepasʉtiherimocãña. Buripe ñurõ ĩñabesetuwanʉcõrãpʉ diamacãwãmemena ‘tairora ña’ ĩña ―ĩwĩ Jesús.

Ĩcʉ̃ cʉ̃basurupe cʉ̃cã boriwãmepe wedegʉ ‘cʉ̃ ñurõ wederucũwĩ’ ĩ wedewõñerõcã wadore bogʉ ñawĩ. Buri yʉpe Manigʉ̃rẽ yʉre ticorigʉpere ‘cʉ̃ ñucametʉasuwi’ ĩ cʉ̃rẽ wedewõñerõcã wadore bogʉ cʉ̃cã dotirora abiro ĩritoro manirõ diamacãrã wede.

Cʉ̃jãcã tairo ĩñerõcã tʉogʉ Jesús cʉ̃jãrẽ abiro ĩwĩ: —Yʉcã mʉjãrẽ buere yayemerã ña; yʉre ticorigʉyepere yʉcã buerepe ña.

Atibʉreco macãrã ñañarẽrẽ tiribasoca mʉjãrẽ ĩñatutimasĩheriwa. Yʉpere ĩñatutiwa yʉcã cʉ̃jãrẽ cʉ̃jãcã ñañarẽ tirere wedeñerõcã.