Yohani 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

U Yesu akababusya akati, “Une ne chibama ichipela bumi.” Umundu wesi yo akwisa kukwangu atakubapo lumo lumo nisala, sona umundu wesi yo akusubila une atakwisa ukuba lumo ni nyota.

U mbepo mwene weyo akutupa ubumi, umubili gho ghute nimbombo nayimo. Amasyu gho mbabusisye ghogho ghakubapa u mbepo nu bumi.

Mutakabombaghe imbombo ukuti mube ni chakulya cho chinganangika, loli bombela ichakulya cho chingakupa ubumi bwa bwile na bwile. Ichi chakulya cho u Mwana wa Mundu akwisa pakubapa pakuti u Chala u Wise weyo abikitepo papake ichimanyilo icha kusimikisya.”

Pakuti ubu bobo bwighane bwa Tata wangu akulonda ukuti, wesi yo akumutesya u Mwana nukusubila mu mwake, abe nu bumi bwa bwile na bwile. Po une ngwisa pakumususya pisiku lyabumalilo.

U Yesu akamula akati, “Imbombo ya Chala yo iyi, ukuti mumusubilaghe yo akamutuma.”

Bosi bo u Tata wangu akumba une bakwisa ku kwangu, sona bosi bo bakwisa ku kwangu. Ndakwisa pa kubatagha panja

U Simoni Pitala akamwamula akati, “We Malafyale, imba tungabuka kwa wenu? Uwe uli nagho amasyu amapela bumi agha bwile na bwile.

Une ne chibama ichipela bumi cho chikika ukufuma kumwanya. Pala umundu wesi yo akulya ichibama chichichi, akwisa pakubangako bwile na bwile. Ichibama cho ngwisa pakupa gho mubili wangu, ukuti ichisu chapasi chibe nu bumi.”

Atalipo umundu nayumo yo angisa ku kwangu pene po u Tata wangu yo akanduma, amughusila ku kwangu, sona nune ngwisa pakumususya pisiku lyabumalilo.

Pakuti ichibama cho u Chala akupa chocho chikwika ukufuma kumwanya nukuchipa ichisu chapasi ubumi.

Une ne chibama cha bumi.

U Yesu akasenya ifibama akamupalisya u Chala nukubagabannya abandu bo bakikala pasi pala pala, akasenya sona bububu niswi sila, po bosi bakalya ukuyana namo bakalondelagha. Bo balya bikuta, u Yesu akababusya abamanyili bake akati, “Bunganika utubulubusya ukuti katakabepo nakamo akakutaghiwa.”

Bo benda ubutali bwa ma kilomita fiyivi pamo sikisi bakamutesya u Yesu akwenda pamisi akapalamila ku bwato, po ubogha bukabakola ngani. Loli u Yesu akababusya akati, “Mutakoghopaghe! Nene.”