मत्तय 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

दिवू पेटाड़ीत कोइत टोपलीइ थुड़ी नाहां मिकते, पोन तियाहा बेलकाआ उसे मेकतेहे, याआ काजे के जें कोअमेहें होय तियां बादाहा तो उजालो आपित सेके; तेहेंज कोइत तुमाआं उजालो माअहोंओं हुंबूर एहेलोहो पोड़ुहूं द्या के, तें तुमाआं हाजे कामे पालीत तुमाआं होरगामेर्‍याआ आब्हाआ नाव उसो कोए.

“तुमू दुन्याआ उजालो होय; टुशा पोर्‍योओ होयर निकाइत नाहां सेकतो.

जें मोनोमेहें सोके होय, तियांआं हाजो होय, काहाके तें देवोहो देखे

जें सतीपणोअ काजे फुकल्ये आन तोरह्ये होय तियांआं हाजो होय, काहाके देव तियांहां तारवे!

पोन आंय तुमुहूं कोहो के, तुमू तुमाआं दुस्मोनोहों मेर कोआ, आन जे तुमुहूं तारास कोआड़तेहें, तियांआं काजे प्रार्थना कोआ.

“‘जें आत्मामेहें गरीब होय, तियांआं हाजो होय, काहाके होरगाआ राज तियांआंज होय

जें होमजाड़ीलाआ काम कोअतेहे, तियांआं हाजो होय, काहाके तियांहां देवोअ पोर्‍ये कोये.

जें तारास कोअतेहे, तियांआं हाजो होय, काहाके तियांहां होक जोड़े

सतीपणोअ काजे जियांहां तारास ओवू, तियांआं हाजो होय. काहाके होरगाआ राज तियांआंज होय;’

जें दयालू तियांआं हाजो होय, काहाके तियांपोअ दया ओवे!

“जाहां माआं काजे माअहें तुमाआं विरुद्धामेहें गोगे, तारास देय आन तुमाआं विरुद्धामेहें आखी जातीइ खाराब लबाड़ी कोइत गोगे, ताहां तुमाआं हाजो होय. मोज्या कोआ, खुसीवाअहीं उसला, होरगामेहें तुमाआं इलाम वोडू होय; काहाके तुमा रोत पेल जे भविश्यवक्ता ओत गोया, तियांहां तियां एहेंज कोइत दुख वेठाड़्यो.

जें नम्र तियांआं हाजो होय, काहाके तें धरतीइ आधिकारी बोणे

“तुमू धरतीइ खारो होय; पोन जर खाराआ खारी सव निहींत गोयी, ताहां फाशोअ तियाहा कि कोइत खारसो बोणावता आवे? ओनखे तियाआ कोड्लाज कामोम वापर ने ओवनारु, पोन तियाहा बाअथे टाकी देत आन माअहोंओं गुडाआ थुड़ी सेंदीइलाआ कामोम आवनारो.

तियाहा काजे जेहलुहू तुमाआं होरगामेर्‍युउ आब्हू पाक्कू होय, तेहलेज तुमू बी पाक्के बोणा.

पोन तुमाआं गोगीइलोअ ‘होव’ ताहां होवजे आन ‘नाहां’ ताहां नाहांज जोवे. काहाके या रोत वादार जों होय, तों सैतानोप रोत होय.

“‘डोआअ बोदले डोऊ, आन दातोअ बोदले दात’ एहें कोयोतो, तों तुमू उनाअयेहे. पोन आंय तुमुहूं कोहो, के जों कोडो तुमाआं बाक्तो कोए, तियाआ बोदलू मा लेहा; पोन जों कोडो ताआ हाजाड़्या गालोपोअ देय, ताहां बांगाड़्यू गाल बी आगोअ कोई दे.

जर ताआ हाजाड्यू डोऊ ताहूं पाप कोआड़तुय, ताहां तियाहा काडीत टाकी दे; काहाके ताआ पुरो डिल नरकाम जाय तिया रोत हाजो, ताआ डिलोअ एक भाग आरवात जाय तो फायदाअ होय. जर ताआ हाजाड़्यू आथ ताहूं पाप कोअहूं लागाड़तुय, ताहां तु तियाहा वाडीत टाकी दे; काहाके ताआ पुरो डिल नरकाम जाय, या रोत हाजो जी तु ठुटू ओत जाही तो ताहूं पुरड़े.