योहान 21မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

रोटू खाअलाअ फासाड़ी ईसु शिमोन पेत्राहा कोयो, “शिमोन, योहानोअ पोर्‍या, केहें तू यांरोत वादार मापोअ मेर कोअहे?” तिये तियाहा कोयो, “होव, प्रभु; ताहूं ते मुंदू होय के आंय तापोअ मेर कोअहो.” ईसु तियाहा कोयो, “माआं गिद्लाहां सार.” तिये फाशोअ बिहरीवारी तियाहा कोयो, “शिमोन, योहानोअ पोर्‍या, केहें तू मापोअ मेर कोअहे?” तिये तियाहा कोयो, “होव, प्रभु; ताहूं मुंदू होय के आंय तापोअ मेर कोअहो.” तिये तियाहा कोयो, “माआं मेडाअ राखवाली कोओ.” आन ईसु तिसरी वारी तियाहा कोयो, “शिमोन, योहानोअ पोर्‍या, केहें तू मापोअ मेर कोअहे?” पेत्र नाराज ओवयू के तिये तियाहा तिसरीवारी जाआं एहेंज कोइत कोयो, “केहें तू मापोअ मेर कोअहे?” आन तियाहा कोयो, “प्रभु, ताहूं ते आखो मुंदू होय; तू ओं जाअहें के आंय तापोअ मेर कोअहो.” ईसु तियाहा कोयो, “माआं मेडाहां सार.

आंय ताहूं खोरीज कोहो, जेहेलाम तू जुवान ओतू ताहां सोताआ कंबर बांदीत कोइत जिहीं इत्वीइतुतो तिहीं फिरतुतो; पोन जाहां तू डायु ओवीही ताहां ताआ आथ पसरावही, आन बिहीरो ताआ कंबर बांदीत कोइत जिहीं तू ने जाअहूं होदही तिहीं ताहूं लेत जाय.”

तिये तियांहां कोयो, “नावड़ाअ हाजाड़्यीइ वोल जाल टाकहा ताहां तुमुहूं कि तेबी मिले.” ताहराअ तियां जाल टाक्यी, आन ओमे मासे जाअखीलेहे तिहीं वाअहीं जालेहे खेसीत ने सेका.

शिमोन पेत्रे तियांहां कोयो, “आंय मासे तोऊ जाहो.” तियां तियाहा कोयो, “आमू बी ताअरी आवताहा.” ताहराअ ते निहीत कोइत नावड़ाम बोठा, पोन तियी राती किज ने तोअयो.