Yohana 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ila vantu vensi vanaa alevamowawola no khomogoomba, aleavapelaa olaala ili vawee vana va Matuunda.

Pa mwandyo panaa liwelelo alelekhale khowombwaa, Mpola aleapwale. Mpola oyoo angile alepalomwi no Matuunda, no Mpola oyoo angile Matuunda.

Welo ogoo gokhomolekha kho kiiti, ne kiiti alelekhakhowola khowokhonya welo.

Nanoyo Mpola alealelwaa kete muntu, ikhalaa palomwi nasu. Nasu khwawowine olaala wakwe, olaala kete Mwana aleemwi yunaa apumagaa khwa Daada, ijolagaa loojo ja Matuunda ne khapanga.

Matuunda aleawombaa vento vyensi khokelela Mpola, khotopo ninga kento kemwii kenaa alechawombwaa patopo khokelela omwene. Mokhate mwakwe angile khole opanga, no opanga owoo awenee angile welo wa vantu.

Igolo lakwe, Yohana aleamowona Yesu khomwijelaa, apalaa, “Kunaa, Mwanankholo wa Matuunda yunaa khosolaa mabe ga liwelelo!

Mpola oyoo aleapwale kho liwelelo, khokelela omwene Matuunda aleawombaa liwelelo, ila vantu va paliwelelo alevakhakhowola khomotembola. Aleiija kho nse yakwe mwenee, ila vantu vakwe mwenee alevakhamowawola.

Oyoo amwenee welo wa khapanga, yunaa aleiija paliwelelo, khomomolekela kela muntu.

Matuunda aleapumya njaanga khokelela Musa, ila loojo ja Matuunda ne khapanga alejiija khokelela Yesu Kilisto.