Matayo 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ila, musake tandi ung'achale va Nguluvi na kwikala ngita ikela na ago gyonda damlutichilwa.

Suwe, mubihile kuvecha na wogofi kutigila kilawo, kwakuva kilawo ikuyigumbanikila yiyene. Kila kigono kigehe na utatala vake.

“Nde kwakuva ndikuvalongela, mbihile kuvecha na wogofi pakyanya lya kyakulia awu kyakunyuwa fyemung'ang'a neke mwikale. Wuli, kwakulya nde ngiba hilo kuchumba uwumi na myenda nde ngiba hilo kuchumba muvili?

Ila veve peukumsuka Nguluvi, wingile mukyumba kyako, dinde mlyangilo, baho umsuke Daada vako seiwoneka. Na Daada vako yeilola gyegafyamile, daakugavila fupo lyako.”

Suwe, ndeni nde mwing'ang'wa kumsuka Nguluvi, Daada vetu yeugehe kuluhano, litawa lyako linjumwe. Ung'achale vake wache. Lyeung'ang'a kugita ukoya kuluhano gagitwe na baha muinyi.

Utugavile neng'uli kyakula kyetu kya kila kigono.

Utuhechele nongwa chetu, ngita nefwe petukuvahechela vevatugitiye nongwa.

Ubihile kutugavila magecho, ila utulowole na yula muwofu. Kwakuva Ung'achale nde vako na ludali na ukomi mbaka mbepali. Ndakyene.”

“Kwakuva pemkuvahechela vanu nogwa chawo, Daada venu va kuluhano daakuvahechela na nyenye kangi.

Mulole fidege va kukyanya, sevivyala vala sevibena vala vihela lusanja lyolyonda. Ila Daada venu va kuluhano uvagavila kyakulya. Wuli, fidege nde ngiba hilo kuchumba nyenye?

“Mbihile kwivikila lusanja baha pa inyi kwakuva pungulusi na kutu vihanaga na vahichi vikwingila na kuhicha. Mwivikile lusanja chenu kuluhano kwa Nguluvi kwihela pungulusi na kutu vakuhananga, vala vahichi sevikwingila kuhicha. Kwakuva kula peugehe lusanja lwako nde peugehe numbula lyako.”

Kwihela munu yeivesa kuvagumbanikila vatwa vavili. Kwakuva ukumvipila yumwi na kumkela yungi awu uvecha pamwi na yumwi na kumbeda yula yungi. Se muvesa kumgumbanikila Nguluvi na finu fyolofu pamwi.

Suwe, ngita Nguluvi akulivika makwati kya mgunda, gegagehe neng'uli na kilawu gitagwa paliyoto. Nyenye vanu yemugehe na ludikilo ludodo, wuli, Nguluvi seiwesa kuvagitila ndeni?”

Ila veve peukumtanga muhangala, gite ndeni ata munu vako va pepi abihile kuchela. Heche utangilo vako kwa lupwepo na Daada vako va kuluhano yeilola gyegifyamile, daakugavila fupo.”

“Mwilolele mubihile kugita finu fyenu finofu pautalo lya vanu neke avanjume. Kwakuva pemugita ago, Daada venu yeagehe kuluhano seakuvagavila fupo.”

“Pemwikwikanila kuliya kyakula mubihile kuvecha ngita vafyangu vevikwigita kuva vagehe na lusugwimo na kukikinyala wuso vagita ndena, neke vawoneke pavanu kuva vayikanile kulya. Ndikuvalongela ndakyene, avo vapatile suwe fupo lyao. Ila veve peukwikanila kuliya, bake kituwe kyako mafuta, kalave wuso vako, neke munu yeyonda abihile kuchela kuva uyikanile kuliya, ila uchelwe hela na Daada vako yeseiwoneka. Na Daada vako yeilola gyegyafyamile, daakuvika unofu.”