Яхъя 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Аллаһы дөньяны шулкадәр яратты ки, Углына ышанган беркем һәлак булмасын, ә бәлки мәңгелек тормыш алсын өчен, Ул Үзенең бердәнбер Углын бирде.

Аллаһы Үз Углын дөньяны хөкем итү өчен түгел, ә бәлки дөнья Аның аша котылсын өчен дөньяга җибәрде.

– Хак сүз әйтәм сиңа: яңадан тумаса, беркем дә Аллаһы Патшалыгын күрә алмас, – диде Гайсә аңа җавап биреп.

Аның Углына ышанучы хөкемгә тартылмый, ә ышанмаучы хөкем ителде инде, чөнки Аллаһының бердәнбер Углына ышанмады.

Хөкем исә шуннан гыйбарәт: дөньяга яктылык килде, әмма кешеләр, яман эшләр башкарганга, яктылык урынына караңгылыкны яратты.

Ул үсәргә, мин исә кечерәергә тиешмен.

Явызлык эшләүче һәркем яктылыкка нәфрәт белән карый һәм, үзенең яман эшләре ачылмасын өчен, яктылыкка килми.

Аллаһы Углына ышанган кеше мәңгелек тормышка ия, ә Аңа буйсынмаганы тормыш күрмәячәк – аның өстендә Аллаһының ачуы тора.

Адәм Углына ышанган һәр кеше мәңгелек тормышка ия булсын өчен, Муса чүлдә бакыр еланны югары күтәргән кебек, Адәм Углы да шулай күтәрелергә тиеш.

Углын яратканга, Атасы бар нәрсәне Аның кулына тапшырган.