Яхъя 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Мин – йөзем куагы, ә сез – ботаклар. Миндә булган, Мин дә аңарда булган кеше генә күп җимеш бирер, чөнки Миннән башка бернәрсә дә эшли алмассыз.

Мин – сездә булган кебек, сез дә Миндә булыгыз. Йөзем ботагы үзеннән-үзе җимеш бирә алмаган сыман, Миндә булмасагыз, сез дә җимеш бирә алмассыз.

Миндә яшәсәгез һәм Минем сүзләрем күңелегездә сакланса, теләгәнегезне сорагыз, һәм сезгә бөтенесе дә бирелер.

Мине сез сайламадыгыз, Мин сезне сайлап алдым: сез, барып, җимеш китерсен һәм җимешегез һәрдаим булып торсын дип, Мин сезне билгеләп куйдым. Шулай итеп, Минем исемне әйтеп Атамнан нәрсә сорасагыз да, Ул сезгә бирер.

Дуслары өчен җанын фида кылган кешенең яратуыннан да бөегрәк ярату юктыр.

Җимеш бирми торган Миндәге һәр ботакны Ул кисеп ташлый, җимеш бирердәен исә уңыш мулрак булсын дип чистарта.

Минем сезгә әмерем шулдыр: Мин сезне яраткан кебек, сез дә бер-берегезне яратыгыз.

Күп җимеш китерә торган шәкертләрем булсагыз, Атамның данын тагын да арттырырсыз.

Мин – чын йөзем куагы, ә Минем Атам – Йөзем үстерүче.

Кем Миндә яшәми – аны агач ботагыдай кисеп ыргыталар, һәм ул корып бетә, ә корыган ботакларны җыеп утка ташлыйлар да яндыралар.

Куанычым сезнең белән уртак һәм бөтен булсын өчен сөйләдем сезгә боларны.

Атамның әмерләрен үтәп, Мин Аның мәхәббәтендә яшим, һәм сез дә әмерләремне үтәгәндә Минем мәхәббәтемдә яшәрсез.

Минем сезгә әмерем шулдыр: бер-берегезне яратыгыз.

Сез шушы фани дөньяныкы булсагыз, дөнья сезне үзенеке кебек итеп яратыр иде, ләкин сез бу дөньяныкы түгел; Мин, сезне сайлап алып, бу дөньядан аердым, шунлыктан дөнья сезгә нәфрәтләнә.