اما پِطرُس وِش گُت: «حَنانیا، سی چی هِشتی پیسی شِیطُو، چِنی دِلِتِه بِئیرَه کِه وِ روح‌القدس دِرو بُوئی وَ قَری دِ پیلِکَه زِمی نِه سی خُوت وِرداری؟ مَر وِرَز فِروش، هینِ خُوت نِوی؟ وَ دِما فِروش هَم اختیارِ پیلِکَه‌ش مَه دَسِ خُوت نِوی؟ یَه سی دِ دِلِت قَصت کِردی کِه چِنی بَکی؟ تو نَه یَکِه وِ انسان، بَلکِم وِ خدا دِرو گُتی!»
هِه کِه حَنانیا ایی قِصَه‌یا نِه اِشنَفت، اُفتا وِ دِلِ زِمی وَ جُو نِئا! گِردِ وِنُو کِه یَه نِه اِشنَفتِن زَرتِلاق بییِن.