Luke 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

သင်က အခြားသူဒေဝို ရက်ရောစွာ ပေးကမ်းစွန့်ကြဲရင် သင်တို့ ပေးကမ်းထားတဲ့ ပမာဏထက် ပိုလျှံရိ ဘုရားက ပြန်ပေးလိမ့်မယ်။ အဲအလှူဝို ထုတ်ပိုးပြီး နန့်ရဲ့ရင်ထဲမှာ အပြည့်အဝ သိမ်းဆည်းထားပါ။ သင်တို့ အခြားသူဒေအပေါ် ပြုမူဆက်ဆံတဲ့အတိုင်း ဘုရားကလည်း သင့်အပေါ် ပြုမူဆက်ဆံပါလိမ့်မယ်။လို ကိုယ်တော်က မိန်တော်ခဲ့လေရယ်။

သူတော်ကွန်းဒေက ကွန်းဇာဒေပဲ ပြုလုပ်ကေယ်။ သူ့နို့ဒေလည်း ကွန်းမြတ်တဲ့ စိနှလုံးသား ရှိကေရိ ဖြစ်ရယ်။ လူယုတ်မာဒေက ဆိုးယုတ်တဲ့အမှုဝို ပြုကေခြင်းကလည်း သူ့နို့မှာ ယုတ်ညံ့တဲ့ စိနှလုံးသားရှိရိဖြစ်ရယ်။ နန့်နို့ရဲ့ စဂါးလုံးဒေက နန့်နို့ရဲ့ စိနေစိထားဝို ဖော်ပြလိုက်ဇာဖြစ်ရယ်။

အယ်ပေမဲ့ သင်တို့က ရန်သူဒေကိုချစ်ခင်ပါ။ သူတို့ကွန်းကျိုးဆွန်ရွတ်ပါ။ ပြန်လည်ပေးဆပ်ရန် မျှော်လင့်ချက်မထားဘဲ ချီးငှားပါ။ အဲမှသာ ကီးမြတ်တဲ့ အထူးဆုဝို ရရှိကေ့ပီး သင့်တို့က နိဗ္ဗာန်ရွှေမြို့တော်မှာ ဘုရားရှင်ရဲ့ သားသမီးအစစ်မှန်ဖြစ်လာကေပါမယ်။ အရှင်က ကျေးဇူးတရားမသိတတ်ရိ ဆိုးယုတ်တဲ့သူဒေအပေါ် ကီးမြတ်တော်မူပါရယ်။

သင့်အပေါ် သင့်ဖခင်က သနားညှာတာလိုမျိုး တခြားလူဒေပေါ်မှာလည်း သနားညှာတာကေ့ပါ။

ကိုယ်တော်ယေရှုက မိန့်တော်မူခဲ့တာက "တခြားသူဒေဝို မဝေဖန်ခြင်း မပြုပါန။ အဲမှပဲ ဘုရားရှင်ကလည်း သင့်တို့ဂို မဝေဖန်ခြင်း ပြုမှာမဟုတ်။ သူတပါးဝိုခက်ခဲအွန် မပြုမိစေန၊ အဲမှသာ ဘုရားရှင်ကလည်း သင့်ဂိုခက်ခဲအွန် ပြုလုပ်မယ်မဟုတ်။ အခြားသူဒေဝို ခွက်လွှတ်ပေးရင် ၊ ဘုရားရှင်ကလည်း သင့်ဂိုခွက်လွှတ်ပေးပါလိမ့်မယ်။

ငါပြောတာဂို နားထော်နေသူအပွန်းတို့ ရန်သူအပေါ် မေတ္တာထားကေပါ။ မင်းဂို မူးတီးနေသူဒေအပေါ် သူနို့ရဲ့ ကွန်းကျိုးဂိုပြုပေးလိုက်ပါ။ သင့်ဂို ကီဆဲနေသူဂိုလဲ ဘုရားရှင်က ကွန်းချီးပေးသနားဝို့ ဆုတွန်းပေးပါ။ သင့်ဂို ရက်စက်တဲ့သူအပွန်းဒေဂိုလဲ ဆုတွန်းပေးလိုက်ပါ

မိမိကိုပြုမူဆက်ဆံစေလိုတဲ့တိုင်း သူတပါးဒေပေါ် ပြုမူဆက်ဆံပေးပါ။

တစုံရွတ်က သင့် ပါးတဖက်ဝို ရိုက်ကိုလည်း နောက်ပါးတဖက်ဝိုပါ ရိုက်ခိုင်းလိုက်ပါ။ တစုံတရွတ်က သင့်ရဲ့ အပြင်ဝတ်ရုံဂို လာတွန်းရင်လဲ သင့်ရဲ့ထဲကအင်္ကျီကိုပါ ပေးလိုက်ပါ။ မင်းဆီမှ လာတောင်းခံသူ အပွန်းဒေဂိုလဲ ပေးကမ်းလိုက်ပါ။ မင်းရဲ့ပစ္စည်းဥစ္စာဒေဂို ယူထားရင်လဲ သူဆီမှပြန်ရိ မတွန်းပါန။

ကွန်းတဲ့သစ်ပန်က မကွန်းတဲ့အသီးဝို မသီးနိုင်ရ။ မကွန်းတဲ့ပန်ကလည်း အသီးကွန်းလေဝို သီးဝိုမှူဝါ့။

နန့်နို့က အသီးဝိုကေပြီးရာ အပန်အကျွန်းဝို ပြောနိုင်ရယ်။ နန့်နို့က ဆူးချုံပန်က ရှီးကိုသီး၊ သဖန်းသီး၊ စပျစ်သီးဒေဝို ခူးဆွတ်ဝို့ရာမှူဝါ့။