1 Aba Kolinti 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ulughano lufisalyoyo, sona lwachisa; ulughano lute lwakabini. Ulughano lute lwakwitutumula, pamo lwakwituvya. Ulughano lute lwamadinko, pamo lwakwiyighana lwene, awe. Ulughano lutakukalala mwalwe, pamo ukusunga ububibi kusingo.

Ulughano lutakuvwituka, sona lukwitika vyosi, lukusubila vyosi nukufisa ilyoyo

Ulughano lutakuhoboka nu bubibi, loli lukuhoboka nu bwanaloli.

Pakabalilo aka vilipo ivintu vitatu: Ulwitiko nu lusubilo, sona nu lughano. Loli chicho chikuchilapo pavyosi, lo lughano.

Ulughano lwa bwila na bwila. Bulipo ubulaghuzi, loli bukwiza pakumala. Vilipo ivyabupi ivyakunenela mundimi injeni, loli vikwiza pakumala. Bulipo ubumanyi, loli bukwiza pakumala.

Napapo ninganenela mundimi izya bantu nizya bantumi, loli nanti inte nu lughano, injanite bulo ni chela chicho chikulila, pamo ibangala lilyo likuzuma bulo ichongo.

Napapo ningaba nacho ichabupi icha bulaghuzi, napapo ningamanya akiza bulo vyosi izyakubusyefu, napapo ningaba nu bumanyi bosi, sona ningaba nu lwitiko losi ulwakuti ningasamya na maghamba bulo, loli nanti inte nu lughano, pope ne wabulo.

Napapo ningabagabila abapina ichuma chane chosi, nukwitikizya umubili wane ukuti ghochiwe pamoto, loli nanti inte nu lughano, pope ne wabulo.

Bo ne mwana, nkanenagha ngati ne mwana, nkinong'onagha ngati ne mwana, nkennyanga vyosi ngati ne mwana. Ilelo pakuti nakula, navileka vyosi ivyabwana.