Marëkë 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Jesu 'nu wiili 'ü 'betea' 'wli, 'ɔnya ‑gbala 'üün: «Nyüülü kä fugbë 'naa' nɩ, ‑mää 'üün 'nyɩ mi ‑dɔta 'lɩ; ‑maa ‑wusublanyüü, 'üü mö ‑dɔta 'lɩ. 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»

Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, ‑na ‑balʋ 'a ‑mɩ cere.»

Jesu nya ‑gbala 'üün: «Nyɔɔa ‑gʋ Nyɔsʋa ‑tʋ 'lɩ ‑fʋflʋpasrɩ, ‑maa 'ɔnyɩ nyɔɔ ‑a nʋ ‑fʋflʋpasrɩa ‑gʋ.

‑Maa nyüüa ‑sümlökʋa ‑gʋ nɩ, 'ünyɩ 'lɩ ‑a bɩa 'ü 'tɔ Jesu ‑gba. 'Ü ‑gölöa' nɩ, nyukulu kä ‑wälɩ Jesu bäa' 'ua ‑gälɩ 'ü 'bö 'mä. Nyɔɔlɔ 'pi ‑gbitɛɛ ‑gälɩ, 'ünya 'cere 'lɩ 'ɔɔn.

‑Maa 'amä 'saa jre 'sɩrɩ Nyɔɔa 'Jʋ käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔnya ‑gbala nyɔɔlɔ: «‑Mɔ 'n 'daa, sɔwʋ, dɔrɔ ‑na ‑gbitɛɛ 'wʋ, 'kä mö ‑gbööli!»

‑A ‑gbala nyɔɔlɔ kä ‑gbaa dii jäa': ‹‑Na ‑balʋ 'a ‑mɩ cere›, ‑bɛ ‑a ‑gbala 'ɔɔn: ‹Sɔ 'wʋ, dɔrɔ ‑na ‑gbitɛɛ 'wʋ, ‑bɛ ‑a ‑nyɛɛ ‑mä mi› nɩ, ‑mɩ 'plɛɛ klalɩ le?

'Köklesaplɩɩ, nyüüa 'fɩɔa 'klɩ, nyɔɔlɔ nya sɔwʋ, 'ɔnya dɔrɔ 'ɔa ‑gbitɛɛ 'wʋ, 'ɔnya 'cie. 'I kala 'üa 'fɩɔ plɛ 'klɩ: «A ‑kaapɩɔ 'ia 'samaa wii 'jä!» 'Asɩ 'ü ‑gbaaa' ‑bɛ 'ü 'bʋala Nyɔsʋa 'nyrɩ.