Matiö 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

«'Ba ‑sɛ, ‑bɛ Nyɔsʋa 'mä 'amɩ ‑nyɩ; 'ba 'bata, 'anya 'ɛɛn 'jäa; 'ba bɔtɔ tatu, 'ɔnya 'amɩ tatu 'klɩ 'saa.

'Be nyɔɔ o nyɔɔ ‑sɛa' Nyɔsʋa ‑nyɛɛ 'ɔɔn; nyɔɔlɔ 'bataa' 'ɔ 'jää dɛɛlɛ 'ɔ 'bataa'; 'kä nyɔɔlɔ bɔtɔa' tatu, 'ɔ 'saa 'ɔɔn tatu 'klɩ.

«Nyɔɔ o nyɔɔ ma po ‑taa wiili 'nyakli ‑bɛ ɔma ‑träärälɩ 'imɩ nɩ, 'ɔnya ‑beere nyɔɔlɔ 'paaa' 'ɔa nyuku 'täkä ‑gälɩ.

«Wiili 'a 'bataa' ‑mölöö 'mäa' 'amɩ ‑gba nʋ nɩ, 'ba nʋ bɩa 'saa 'üün. 'A wiili Moisëa ‑Dɔ nyra nyɔsʋaamlɩpalanyüüa 'fɩɔ 'kpɩaa'.

‑Maa 'kläa 'mëmla ‑jɩa nyra 'nyʋfɔlʋ falaa' 'lɩ nya 'paplagba. ‑Bɛ nyüülü 'jääa' 'uun 'nyɩ ‑sümlö ‑a ‑sümlö.

«'Ba ‑srörö 'mëmla jɔa mlɩ; 'be 'mɔlɔ 'mëmla flɛrɛwʋ, ‑bɛ 'nyʋfɔlʋ falaa' 'lɩ nya flɛrɛwʋ ‑gböösa. Nyüülü ‑sröröa' 'ua mlɩ nya ‑sümlö.

'Amɔ kä plɛ bʋbɔa', 'a jre 'ana 'jüa 'mʋfadiia ‑nyɩnyɩkʋ. ‑Maa 'ana Tʋlɔ bäa' cɛlɩ 'ɔɔ ‑nëmä 'mʋfadii nyüülü ‑sɛɛɛa' 'ɔmɩ 'iin ‑nyɩ?

«'Anyɩ 'bölö 'ana ‑mölöö ‑gä ‑gälɩ, ‑gä ‑pɩ bɩa 'amɩ ‑gälɩ 'bölö. 'Be 'sɩrɩ 'a 'bölöa' 'ana ‑mölöö ‑gä ‑gälɩ, 'asɩ Nyɔsʋa 'mä 'amɩ ‑gä ‑gälɩ 'bölö. Dɛɛlɛ 'a nöa' ‑bɛ 'a nyakaa' 'ana ‑mölöö, 'ɛɛ Nyɔsʋa 'mä nʋ 'ɔmä bɩa 'amɩ nyaka.

«‑Maa nyɔɔ o nyɔɔ 'nööa' 'na 'papawii 'wli ‑bɛ 'ɔnyɩ ‑träärälɩ 'imɩ nɩ, 'ɔ ‑beere mlüünyɔɔlɔ 'paaa' 'ɔa nyuku 'pisiatu 'lɩ.

Dɛplɛɛ kä ‑gʋ ‑jäää ‑napusragbʋlʋ bäa' ‑na ‑wlajʋa 'nyüa 'mlɩ, ‑bɛ ‑nyɩ ‑tʋ tuu klöö kpakölä bäa' ‑na 'mʋgbɛa 'nyiöa 'mlɩ 'nyügba le? Dɛplɛɛ kä ‑gʋ ‑gbala ‑na ‑wlajʋ ‑maa: ‹Ji ‑a 'balɩ ‑napusragbʋlʋ bäa' ‑na 'nyiöa 'mlɩ›, ‑bɛ tɩɛ ‑plɩɩ tuu klöö kpakölä bä ‑na 'nyiöa 'mlɩ le?

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä. 'Üa nʋnʋgbi kälɩ 'a nëmä ‑srörö 'kä 'anya 'üün jre. 'Ü 'sara rɛsɛɛn 'jaju nänä ‑gälɩ, ‑ale 'ü 'sara figiebö 'bütütii 'wli?

'Cɩca tuu tʋä 'cɩca 'bü; ‑maa tuulu 'nyɩa' 'na tʋä 'bülü 'nyɩa' 'na.

'Cɩca tuu 'nyɩ tʋ bʋbɔ 'bü ‑a, ‑bɛ tuulu 'nyɩa' 'na, ‑mää 'uun 'nyɩ tʋ 'cɩca 'bü.

Tuulu 'nyɩ tʋa' 'cɩca 'bü nɩ, 'böö 'ü 'böö 'uun 'kä 'ü be 'uun kapu 'lɩ.