Jenɛɛsë 27မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Abɩa Nyɔsʋa ‑nyɩ ‑mɩ cɛlɩa nifätë nyra 'mʋfa ‑tʋtʋa nyra papladii ‑bɛ ‑duvɛɛn 'kɔkɔmlɛ! Abɩa ‑glügbü bä ‑na ‑wälɩ, abɩa 'blɩa nyüü 'pala ‑na 'klʋɩ kotifli! Bä ‑na ‑wlajüa 'kamanyɔɔ, abɩa ‑na 'yioa 'jü 'pala ‑na 'klʋɩ kotifli! Nyüülü busua' ‑mɩ, 'üü ü busru; ‑maa nyüülü 'paa' ‑mɩ 'nɩ, 'üü ü 'pala 'nɩ!»

Esau ‑nëma: «Dɛɛlɛ kä ‑gʋ 'ɔa 'nyrɩ bäa' Jakɔɔbë 'aiɛ 'ɔ 'pa 'mɩ mlüülɩ 'wʋ 'sɔɔ 'wʋ? 'Ɔ 'a kä 'mɩ kpaködɛɛ kalɩ 'ba, 'saarɩ 'ɔa 'sɔɔwʋ 'na 'papanɩ fa.» Esau nya 'bete 'ɔa tʋ: «'Papanɩa ‑kanyɩ 'lɩ ‑a bä ‑mä 'mɩ 'pa?»

'Ɔa tʋ Isaakë nya ‑gbala 'ɔɔn ‑maa: «‑Nya 'lɩ 'mʋfa ‑tʋtʋ dɛrɩ tʋŋlɔa, cɛlɩa ‑gbru ‑nëmä 'lɩ ‑gälɩ ‑a 'ciere. ‑Na ‑jɛrɛ nëmä ‑mɩ 'klɩfini, ‑na ‑wlajʋa ‑geei ‑nëmä bä; ‑maa 'taɩn 'lɩ ‑mäa' ‑na nyufa 'klɩfloro nɩ, ‑gblɛlɛ 'ɔ 'piea' ‑na ‑plɩ ‑gälɩ ‑nya 'ɛɛn 'lɩbaa.»

'Iibäa' Esau nɩ: «'Na tʋ, 'papanɩ 'doo kä? 'Na 'mʋgbɛ, 'pa 'mɩ 'nɩ, 'na tʋ!» Esau nya 'wu ‑gböösa.