Maatoosa 21မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ammanii yi woossiza baz ababaz maaqqikokka yi ekkoda» yeegeeza.

Yesuusa mahii, «Taanii yinttis tuma odiza; yinttis ammano yeezako, ma yi sidhaamixxiko balasel afa taanii ootheezan garkk aadda oothaamii, zin ‹Yha amba shodinttii abba gancce wodhdhoba› yeegiko yinttis hanoda.

Yesuusapp tiinar yedhizitaynnee ezapp guyer kaalliza woyitay, «Hosaana! Dawute na7ay galatintto! Goday sunthar yi7izay anjjintteezaya! Bonchcho Ubbapp Dhoqqa Salo Xoossayis maaqqo!» yeegii uukkeeza.

Ezikka unttiko, «Xooss qaalayid, ‹Ta keethay Xooss woossiza keethi ginttinttoda› yeeginttii xaafintteeza. Zin yi paanitay qosinttiz kom7o udeeza» yeegeeza.

«Xiyone katama, ‹Yikkee, ne kaatay ashikke maaqqii, harel afannee hare na7al afa bettii, neeko yi7iza› yeegoytta» yeegii xaafeezay polinttodgarkk yey haneeza.

Yesuusa mahii unttiko, Xoossa qaalay, «‹Gimbbizitay borii ixxeez shuchchay, keeth muumer tookkiza kirkiro garkk, ubbapp aadhiz shuchch maaqqeeza. Yhayi Goday ootheez bazi; nu aafayisikka mala bazi› yeeginttii xaafintteezana yi nabbabekkasa?

«Yeyi gishos, ta yinttis odiza; Xoossa kaatetithay yinttipp ekinttii lo77o aafe aafiz asitayis ingginttoda.