युहन्‌ना 16မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“हय, ईनी कळी मां तुहुंंक वेला करनु पड़से तेबी काठु जीव करजु, मे ईनी कळीक जीत लेदलु छे। मे तुहुंं काजे जी आखी वात असु करीन कह्‌लु छे की, आवणे वाळा दाहड़ाम दुख झेलता जाय्‌न बी तुहुंं मारेम छे ची सांती हात कर लेय।”

जत्‌यार चु छाचलीन जीव-आत्‌मा आवसे, ती चु तुहुंंक भगवानेन आखी छाचली वाटे ली जाणे अगवाय करसे काहाकी चु आपसे आवड़ते काय बी नी कह्‌वे, बाकुन चु ज काय मारे सी सामळसे चत कवसे ने आवणे वाळी वातेन बारामां बी तुहुंंक देखाड़से।

आज लग तुहुंं मारे नावे दुवा करीन काय बी नी मांग्‌या। मांगसु, ती भगवान तुहुंंक आपसे, असु करीन की तुंद्‌री खुसी पुरी हय जाय।

बाकुन मे तुहुंंक छाचलीन कह्‌वो की, मे जाती रय्‌स ती तुंद्‌रे वाटे वारु रवसे काहाकी मे नी जाम ती तुहुंंक सात देण्‌यु तुंद्‌रेन्‌चां नी आवे बाकुन मे जायस ती तीना सात देण्‌या काजे तुंद्‌रेन्‌चां मकली दीस। जत्‌यार चु सात देण्‌यु चुखली-आत्‌मा आवसे ती ची ईनी कळीन माणसेक तींद्‌रा पापेन बारामां ने तींद्‌रा धरमेन बारामां ने तींद्‌रा नीयावेन बारामां पुरावु भेळु गुनु देखाड़ीन समजाड़से।

असात हय ते तुहुंं बी दुखी छे, बाकुन मे अळी तुहुंंक भेळु हय्‌स तत्‌यार तुंद्‌रा मन मां खुसी आय जासे, ने तुंद्‌री खुसी तुंद्‌रे सी कुय सी नी हापकाये। तीने दाहड़े तुहुंं मारे सी काय बी नी पुछु मे तुहुंं काजे छाची-छाची कह्‌वो, कदी तुहुंं भगवान बास सी मारे नावे दुवा करीन काय बी मांगसु, ती चु तुहुंं काजे आपसे।

मे तुहुंंक छाची छाचीन ज कहं, ईतरीक वार मां तुहुंं रड़सु ने कलेपसु बाकुन ईनी कळीन माणसे खुस हवसे, ने हय तुहुंं दुखी हवसु ते खरा बाकुन अळतेन तुहुंं दुखी हवणु रहणीदीन खुस हय जासु।”