Mateu 16မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Yesu ngou a amberire erongwa yenthzi ci: “Ngeci munu aa fota ku ni shupwera, aa roera ku cishuva thsinda no ku shimba mbinda thzenthzi ku ni shupwera.

Ame naa ku ambera ci yowe o Peturu, karo podi diwe po na ku umbera kereke thzange. Shaanga okoro o dihere ka wa ku twethsa ku thzi popwa.

Kenge na ku ku pa mapao o Kutumina ko ku Wiru, ethsi wa kwanga pano pashi no ku wiru kenge thsa kwangiwa, ethsi wa ku putura pano pashi no ku wiru kenge thsa ku puturiwa.”

Inene munu yomuhe o ku fota ku nyunga mwoyo wenthzi kenge a ku u yawa, o ku yawa mwoyo wenthzi mukaci kange kenge a ku u wana.

Ine nga i kwathsa munu shaanga yo fuma kaye kokahe, unone aa yawa mwoyo wenthzi? Nji thsine nga a punithsa munu ci a wane mwoyo wenthzi?

Yesu wa ipurire ci: “Amwe honi ne mwaa ninga ci yame nodye?” Simoni Peturu wa tawire ci: “Yowe o Mesiya, Mwana Nyambi oyu yoya.”

Yesu ngou a mu amberire ci: “Simoni mwana Jonasi, o mukwa thsiyauthzi shemwa, inene kadi munu na i ku hokwera eyi, unone Tata o ku wiru yo na i ku hokwera.