Roma 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Nimi sisa kembahin kom nena, mog so'oag nimi sumbahiogne Allah ponekoag imang wareroba wamlaba, nunag babe leknebahiso aghana, nimi niri malia ulamububa, nunag kom taog. Nunag kom taog aghana, Allahri wana yorolamsilneag agha nuri malia uroba sembe mo tam kom nenero, “Wana porog nimi,” senelamsil. Mo tam kom nenerop nena, nu Yesus Kristusap ma'ap tangtop nimi sembe Kristus ponekori nu sembe kamna top taogne pere agha tam kom nenero wana porog nimi nembamsil.

Yesus Kristusti Allahag wana pairo ulamogne pere agha Allahri wana porogne lag tao. Nimi etneri Yesusag wana palilamla tanena, Allahri nimi sisa kembahin koma nimi eneko sembe, “El wana porog nimi,” senelamsil.

Samenag nimiri malia ulamekne sembe Allahri sik uro tam karebahiso tanena, nimi taneko opsiso. Aghana opsin koma wana pail ingkiogti, “Nari wana porogne lag talul,” aro Elme Yesus tatsiog. Tatsiogpa obekpa, nuri malia uropne, “Kom talul,” aro eneng lanaro tebaog. Nimiri Yesusag sikne aro wana palilamle tanena, Allahri nimiri malia uropne kom nembanep. Allahri wana paiamog ane sembe, el wana porogne wene lag tal. Wene lag tal nena, el mo wana porogne wamlaba, nimi etneri Yesusag wana palilamla tanena, Allahri nimi eneko babe, “Wana porogne,” aro malia uropne tam kom nembarelamsil.

Tam karebalul aghana, aruksirop yubu eneri nimi nhon babe wana porogne nembahinep kom. Aruksirop yubu ene pere agha nu mog so'oag nimiri, “Mali-malia ulamap,” aro el talamap. Ane sembe, mog so'oag nimi nhon babe, “Aruksirop yubu ni wali uro saelba ul piropti, wana porogne nenep tangtopne wamla,” aro Allah whingag senep kom.

Tam nene sembe mome toro palilamekti, “Nimi nhon babe wana porog uropne nhon wamla kom. Nimiri tam wali uro seneragnari el tangtopne orog. ‘Allahap nanap sae tiptangto wamseneme,’ aro el torop nimi babe orog. Nimi niri wail ibarelamongdi, sindam nimi wana loba nenel dalamongdi, nimi nhon babe wana walingeag agha uropne orog.”

Undop pagha tanena, nimi nhondi eldamne maiptangto, “Nari Musari aruksirop yubu ni saelbamnari, ulamna ane sembe, Allahri na sembe wana porog nimi sembamnel,” aro maiptanep te? Kom! Ot nuri Yesus Kristusag wana paliropne pere agha Allahri nu sembe, “Wana porog nimi,” sehilul. Musari aruksirop yubu salero ul piropneag agha nimiri eldamne wana porogne nenep tanep kom. Ane sembe, nundam nimi maiptanep kom.

Undo seneragseng kom! Ualulneog. Nimi ni babe orolenange lemnep aghana, ot Allahri orolenange lemnep kom. Elmo sikne aghabog lemnepne wamla. Tam nene sembe sepna siptop nimi nhondi Allah omekto mome toro palilamogti, “Andi yubu leropne lambaleba, nimi ni sikne aro el taukang. Andi tam kareplapmenneag agha paliagne nenep talulam,” aro mome toro pibog.