Roma 10မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“Pamag babe, wanaag babe,” seogne anena tibin nembatnuahin. A'undi wanaag, “Allahri Yesus teptop nimiag agha kamag nembaog,” aro elag wana palilapmundi, “Yesus nu Saelba Uhiropne wamla,” aro pamag agha lag phoro lelapmun tanena, Allahri a'un taulbahilul.

Wanaag anekona, nimiri wana paliro sikne aro seneragnep andarina, Allahri wana porog nimi nembanep. Pamag agha nimiri yubu nikne lag phoro lemnep andarina, Allahri nimi eneko taulbanep.

Ane sembe, Kristus yubu ambatsiropne pere agha nimiri yubu sikne ene ka'ebanep. Tanena Kristus yubu nene ka'eropne pere agha nimiri elag sikne aro wana pimnep.

Tam nene sembe Allah Yubuag mome toro pairopne nhon wamlangena, “Nimi etneri elag sikne aro wana palilamle tanena, ali talul kom,” aro mome toro pibog. Tam nene sembe, Yahudi sisa nimi a'erop, Yunani nimi sisa a'erop kom. Yahudi sisa nimi sembe babe, nimi sisa yogne sembe babe, nimi etneri elag sikne aro wana palilamle tanena, ali talul kom. Nu Saelba Uhiropne nhonogneri ni saelba ulamsil. Nimi etneri elag engero yoplamla tanena, sin nimi tanekoag nubu uro tarelamsil. Tam nene sembe samenag mome toro palilamogti, “Nimi etneri nu Saelba Uhiropne ponekoag si lero yoplamik tanena, sin ni taneko taulbahilul,” aro mome toro pibog.

Aghana nimi anam wepto pogna komag pagha tanena, nimiri ambarel ingkihinep kom. Tam nene sembe Allah Yubuag mome toro pibogne nhon wamlange, “Sindi yubu walinge ambarel ingkihirop nimiri yan ingil ingkihiropne wali kemerop,” aro mome toro pibog.

Wene, “Yopsut,” aro mome toro pibog aghana, nimiri anam elag wana palirop kom tanena elag, “Yepne!” aro yopnep kom. Aghana el sembe anam ka'eamna kom tanena, nimiri elag sikne aro wana pimnep kom. Aghana ora nimiri anam yubu ambarel ingkihirop kom tanena, nimiri yubu ene ka'ebanep kom.

Sin ekonne nenena, sindam nimiri, “Wana porog nimi nenep tahabe,” aro ul palamang. Undo ul palamang aghana, Allahri aruksirop yubu ni kaupto wamlange sirikagne Kristus wamla. Elag wana palirop nimi ni Allahri wana porog nimi nenelamsil. Allahri wana porog nimi nenehiropne sembe Israel nimi taneko ekondi, saelbamang komdi, “Nu mori wana porog nimi nenep tahabe,” aro ulamang.