Markus 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Haibahiekpa Yesusti ka'ebaogti, samoro ambarelamsiogti, “Nong wali nimiri whesirop nimi sembe, ‘Teko,’ senelamang kom. Ot naiktop nimiri aghabog whesirop nimi sembe, ‘Teko,’ senelamang. Ane saog uro na so'oag, ‘Yepsinun,’ aro yahingena, nimi nhon eldamne sembe, ‘Na malia urop nimi,’ aro el tanep nimi eneko, ‘Yopto yepsinun,’ aro yahi. Ora nimiri eldamne sembe, ‘Na malia uan koma ulamna,’ seneptaho tanena, nimi eneko yopto yepsinun kom,” seog.

Pelengkaekpa Yesusti kemelamsiogpa, sin payaek nimi tanekori Yesusag sikne aro wana palilameka ipsiog. Kembahiogti lebe arop kom nimi enekoag yubu lelamogti, “Name, andi mali-malia ulamomne tam wailag tal,” seog.

Allahri nimi sam sumbahiog. Amik nena, tektek papto urop sum Sabat sum eneko nimi wali uro wamnepne sembe nembirogti tatsiog.

Payalamekti kemelamekpa, nimi maiknori sendebel alamekne sembe Yesus peramag wa'inep kom. Wa'inep kom ane sembe, imag alibag waelbaekti, Yesus wamogha alibag imag kwerekaekti, lebe arop kom nimi morea kalag keyapto payaekne aneko haingdi kerekto ae lomag pelengkaek.

Aghana a'undi na sembe el tahom senelamnari, lag nembatsinun. Na mog so'oag nimi tahinge saeag Allahri mikipne pibog andarina, nimiri malia uropne sembe nari tam wailag nembanep. Kembamundi el talulom,” seogti lebe arop kom nimi enekoag yubu lelamogti, “Anag lemnuan. Sekmendi andi morea kal saelbamendi, andi aeag pululam,” seog.

Mog so'oag nimiri nimiag, ‘Andi malia ulamomne tam wailag tal,’ seheng tanena, malia uropne neneko sik uro tam wailag tanep te? Mog so'oag nimiri lebe arop kom nimi enekoag, ‘Sekmendi, andi morea kalap saelbamendi, yan ingiro pululam,’ aro yubu ambatseng tanena, sik uro yabinep te? Ni yubu phende abeneko mog so'oag nimiri mo yubu lemnep tanena, nhon babe uro yabinep te?

Wene seogpa, nimi ni taneko tiboglamekpa, lebe arop kom nimi enekori sekom agha morea kal aneko tobogti lambaog. Lambaogpa nimi niri ponekoag tiboghaekti, “Yaghe, ane mane agha ual! Tam undopne nu olog irop komne uro yabil,” aro lo'om seekti, Allah omeklamek.