JOHANNES 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ngele ku na ngoka a hala okuyakula ndje, na landule ndje, naankoka ngame ndi li, oko nkoka omuntu gwandje ta ka kala. Oongoka ta yakula ndje, Tate ote ke mu simaneka.”

Oongoka e hole omwenyo gwe, ote gu kanitha, ihe ngoka ta tondo omwenyo gwe muuyuni mbuka, ote gu hupithile momwenyo gwaaluhe.

Ngame otandi mu lombwele oshili: Omuma yoshilya ngele itayi gwile mevi e tayi sile mo, otayi kala yimwe ayike, ihe ngele tayi sile mo otayi vala oomuma odhindji.

Ngame onde ya, ndi kale uuyelele wuuyuni, opo kehe ngoka ti itaale ndje, kaa kale we momilema.

Kehe ngoka tu uvu oohapu dhandje ye ite dhi dhiginine, hangame tandi ke mu pangula. Oshoka ngame inandi ya okupangula uuyuni, ihe oku u hupitha.

Nena Maria okwa kutha omugwayo gwonardilela gu na ondilo nokwe gu tile koompadhi dhaJesus e te dhi thetitha omafufu gokomutse gwe. Ezimba ewanawa lyomugwayo nolyu udhitha egumbo alihe.

Nena oya kutha iitayi yomilunga e taa yi, ye ke mu tsakaneke. Oyo oyi igidha ya ti: “Hosianna; Kalunga ne mu laleke nuuyamba ngoka te ya medhina lyOmuwa. Kalunga na laleke nuuyamba omukwaniilwa gwaIsrael.”

Jesus okwe ya yamukula a ti: “Ethimbo olye ya, Omuna gwOmuntu a pewe esimano enene.