APAN AQAO: 37မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Damyi mae Yoseb wa yab mo, dalam: mo, mung: ai: khyo re yao: mao: qere ta" kyo: lao"- yao: bam wa yao: re je yang: lhao" nghang" ako".

Yaku wa yao" yauggai zo: alhab' mo, tho' re Yoseb re je: jhid'de; ra"- pe"mung:ga"re yao: wa Yaku mao: thao re khau yang: ngad: ra". Yaku wa Yoseb re adao: bau: qhang lo, de dakhye' re khyab' byid' ra".

Yoseb nho: yao: mao: bam wa yao: bam: yao: pho" Yaku wa yao: bam re jhid'de; ra" tho' mae Yoseb re je yang: jhid'de; ru myao gelao"- yao: bam wa yao: nhaung: re jhid' jhid' kug' kug' manug: jhau losho' gyai nghang" ako".

Ai: thao Yoseb wa yab mo, gatau dam: mo, mung: yao: mao: bam re ngo wa yab mo, mae- ba- lho"- kyi daxe: dace' wa ngore goe; pa" ko" rure myao: ga: ta" kyo" ra".

Yoseb nho: yao: mao: bam wa yao: re myid nug' ako". Ngadqere: yao: pho" wa ai: khyo alhab' re xam" ci: ra".

Yao: wa- nga" yab mo, re tae" gyo" qu" ge,- Ngotao ho' alhab' wa yothaung: mae gaug dang: jham re myag: na: bam: au:- nga" gaug dang: wa to" li" mung: din: za: ye; jo; ra". Naonhaung" nho: gaug dang: jham wa nga" gaug dang: re lhang" kham" ci mung: aire goe; pa" ako"- ga: ta" ra".

Sage, ana" yao: re se' pye' mung:- yao" mao gaung re qid mabo: ra" qid thaung: dalam: mae pye' zaui: pye' gelang:- seyo: gug'nyhug' dadau" yang: yao: re bin" se' pye' ra" ein: ngonhaung" qo" ta" ra". Ailao" yao" yab mo, jham pe" boe" li" ko" rure ngonhaung" myao: li" nae"- ga: yao: cao: jho" ta" ako".

Midian phaga: byu damyo" ai: nhae khyo joe" lo gelao"- yao: mao: bam wa Yoseb re qid thaung: mae" she: thug' yu gemung:- Ishmae byu qere ngaui shid' xe we' yao: re aung" pye' mung:- ai bam wa Yoseb re Egutu khyo jhui" lo" ako".

Yab mo, mo, yaug cekhyo li" ava"

Yao: bam wa Yoseb re va: mae" the' myao mung: Yoseb yao: bam jhao" majoe" shire- yao: bam wa yao: re khug' se' pye' nae" myid: phyid' to" ako".

Din" pyad' yo mae" ce: qid thaung: khug khyo yao: re pye' za: pye' zaui: ke' gelang:- ngadqere: yao: re dae date' ge,- ga: ta" ra". Yao: cedao: re ta" ru wa- yao: bam: lo, mae" Yoseb re khyad' yu mung: yao: pho" jhao" dam: nhao: ke' byid: nae" pha,jhi" khyug' ru ngad: ra".