DANIELA 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Mung: dan: alhab' byumyu" we' myan" cao jab mae" byu qe: yang yao: re caung da" byid: nae" qhid' mae"- yao: re mung" eib kheim: so' nga: lho" ru we' kho:kham qam: o: byid' to" ru qhug' ra". Yao" nho: mung" eib kheim: so' wa apyad ato jo; jo; mung: yao" mung"dan: wa khonhae" re: thao" nae" mangad:

Ai: myi: mae ce: yab mo, re mo; na: au: re xao su byu dayaug ru"ru ngo the' myao:. Yao: wa jham: yang lhang" gam" ci yang: ngo jhao" te' li" ra". Aimung: yao: wa apyad ato mae daui: na yaug jhao" ye: mung: yao" qhid' kheim: mae yeqhaug' to: byid' ru qhug' ra".

Myidgaung dao mae" mung"dan: alhab' nho: kheim: so' we' qi" qhang: rure myhao: thao" ra" Mao"So: byumyu" qere byid' pye' li" nae". Yao: bam: kho:kham kheim: so' wa khonhae" re: thao" byaug nae" mangad:- Amung: myid gaung dao mae" mung" eib kho:kham alhab' mo, wa yao: bam re ceim" caung: da" byid' ru we' phug' cao" li" genae".

Aimung: myhao: thao" Mao"So: byu qe wa mung" eib kheim: so' re qo" rumung: ai: kheim: so' re apyad ato mae zam" cili" genae"- ga: ta" ra".