Kueraakua 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ka ACHA Kuerap'iri uantaspti: Iásïchi k'uiripuni kuerauaka, ka mák'uenichi ják'uaka eskachi na jáxeka ka eska parhakpenirhu juramuaka, eska juramukuaka iámentu manakorherichani enkaksï itsïrhu jatameka ka káratichani enkaksï auantarhu jámka ka iámentu jarhati manakorherichani enkaksï echerirhu jámka. ACHA Kuerap'iri, kueraasti k'uiripuni eska ima na jáxeka, tatakani ka nanakani ACHA Kuerap'irini ják'usti.

Ka ACHA Kuerap'iri úch'akuraaspti ka arhiaspti: ¡Uánekua sapichani kaa je, uáne je ka uiniata je parhakpeni ka juramu je! Juramukua je iámentu jásï manakorheri itsïrhu anapuechani enkaksï japuntarhu jápka, ka ístu káratichani enkaksï iótakuarhu tarharak'a ka iámentu manakorherichani enkaksï echerirhu jámka.

Uénakuarhu ACHA Kuerap'isti auantechani ka echerini kueraasti.

Echeri nónanimarueni jáxespti ka pápkjantespti ka ACHA Kuerap'iriri espiritu itsïrhuecharhu p'arhits'ïkuxapti.

Ka ACHA Kuerap'iri uantaspti: T'íkua jánte ka t'íkua jántespti.

ACHA Kuerap'iri exespti iámentu ampe enka xáni ampe kueraaka, ka iámentu ampe kánekua sési jarhaspti. Ka chúrespti ka ménteru erantespti. Ka ísï jánhaskorhespti kuímu jurhiatekua.

ACHA Kuerap'iri exespti eska t'íkua jántekua ampakitispka ka arhuntaspti t'íkua jántekuani pápka jántekua jinkuni.

ACHA Kuerap'iri uantaspti: ¡Exe je! Iámentu ampeksïni tsikiracheska enka tsïuatakueka ka ístu iámentu jásï anhatapuechani enkaksï ámanhech'akua jukak'a ka enka tskípu jatarhaaka; iámentu íni ampe marhuata je arhani.

Ka jurhiata jakankurhitaspti t'íkua jántekuani ka chúrekua jakankurhitaspti pápkjantekuani ka chúrespti ka eranteni: Ka ísï uénaspti ma jurhiatekueni.

Ka ACHA Kuerap'iri uantaspti: Parhakpenini ampe kách'akue enka atarhukuaka itsïchani.

Ka iámentu manakorhericha echerirhu anapu enkaksï uitsakua t'irek'a. Ka ísï úkorhespti.

ACHA Kuerap'iri uantaspti: Eska jauaka erak'ukuecha auantarhu enka arhukuaka jurhiatekuani chúrekua jinkuni ka eska marhuauaka jánhaskanhani na enka jatini tsíri jatsikueka ka na enka jatini p'ikuntskueka ka ampe enka jurhiatekua ka ampe enka uéxurhinika.

ACHA Kuerap'iri uantaspti: Eska echerirhu jauaka iámentu jásï uitsakuecha: Enka tsïuaaka ka ámanhech'akuecheri anhatapu enkaksï tsikipu jatarhaaka. Ka ísï úkorhespti.

Ka ACHA Kuerap'iri, kueraaspti imani enka parhakpenini kách'akuni jápka; ka itsïchani arhukuspti ma karhakua péraspti ka máteruni kétsekua péraspti. Ka ísï úkorhespti.

Ka echerirhu iámentu jásï ampe tsikispti, ka ACHA Kuerap'iri exespti eska sési jarhaspka.

ACHA Kuerap'iri tsimani k'érati erak'ukuechani kueraaspti; imani enka sánteru k'éka jurhiatekuani míntasti eska juramupirinka, ka enka sánteru sapichueka chúrekuani míntasti eska juramupirinka chúrekua. Ístu kueraasti jóskuechani.

Ka ACHA Kuerap'iri uantaspti: Eska márku úkorhent'aaka itsïcha enka auantarhu kétsekua jaka ka eska k'arhintekua xarhanteaka. Ka ísï úkorhespti. Ka ACHA Kuerap'iri k'arhintekuani echeri jakankurhitaspti, ka itsïchani enka márku úkorhent'apka k'éri japunta jakankurhitaspka ka ACHA Kuerap'iri exespti eska sési jarhaspka.

Ka ACHA Kuerap'iri úch'akuraaspti uantaparini: ¡Uánekua p'itarhpera je, uáne je! Ka ¡Uinime je japuntarhu! Ka ¡Eskaksï káratichat'u uáneaka echerirhu!

ACHA Kuerap'iri uantaspti: ¡Eska echeri kuerauaka manakorherichani: Ikimenharhichani ka no ikimenharhichani, ka akuitsechani ka mámaru jarhati manakorherichani! Ka ísï úkorhespti.

ACHA Kuerap'iri uantaspti: Eska itsïrhu jatameaka mámaru járhati manakorhericha ka eskaksï káraticha káraaka ka eskaksï iótakuarhu tarharhaaka ka nóksï uencheraani. Ka ísï úkorhespti.

Ka ACHA Kuerap'iri, kueraaspti manakorherichani, máru ikimenharhichani ka no ikimenharhichani, táchani járhati. Ka ACHA Kuerap'iri exespti eska sési jarhaspka.