Yohanna 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“A a'n a tihngg'anab, a wunn a songg anab in mwopp. Gwooh mihh tong dhighin a'n, yakhal wu'an dhighin nyi, bhi a nyi a gwooh p'ee sh'in dhakk'shin wu'rett dhess, kaa tihng wu'rett kihh la zhepp dhess se. P'ee mihh baah a kihshag kihh a'n mou, bhi wunn p'ee mak sh'in mee'bii mou.

Wu tong dhighin a'n, bhi wu'an p'ee tong dhighin wunn zag. Nyi a kaarooh baah songg anab kihh mak la zhepp sh'i kaah mhisat kad baah nyi a sh'i tihngg'anab ni mou, bhi wu'wunn a kihhsheh zag; baah wunn p'ee mak la zhepp kad baah a kihshag kihh a'n mou.

Mihh wu tong dhighin a'n, yakhal pwoo keena tong dhighin wunn, bhi wunn p'ee mak dhang koohmeeh w'u wu kihh dh'om, bhi Naan p'ee sh'in nyi wunn.

Baah a wunn wu blihp a'n mou, a a'n ih blihp wunn, yakhal ih l'e wunn tihh wu sh'in dhakk'shin wu'rett w'u tihh tong diy veng. Mihh w'u sh'in kihhsheh bhi koohmeeh w'u wu dhang phi Daa dhighin shumm nah, bhi nyi p'ee pihh nyi wunn.

Baah m'ee gurum kihh wall w'u mett rooh harr gurum pihh seen niy kihphi shaar niy mwopp mou.

Kooh a songg wu'rangg w'u sh'i san w'u baah kihh la zhepp mou, bhi nyi p'ee gab nyi lhi'baa, dhangg kooh a songg wu'rangg w'u kihh la zhepp, bhi nyi p'ee tapp'pee nyi dwan tihh sihkhitt la zhepp diy rihh-rett.

A mihhse a w'aar keena: wu wall shag kaa wu'an ih kihh wall wunn se.

Daa p'ee kad lappdhess kadmihh wu kihh sh'in dhakk'shin wu'rett dhess, ka tihngg w'u kihh la zhepp dhess se, a kihhsheh bhi wunn p'ee kamm le wunn a mhi-dumdang na.

“A a'n a tihngg'anab w'u a zeenn, Daa a gu'dhakk bongg ni.

Kapp gwooh baah tong dhighin a'n mou, bhi nyi a kaa songg w'u mwopp gab meng harr f'ii se. Gurum mwopp kihh chakk songg wu'kihhsheh ni mwopp kor dhighin wus tihh shaan diy.

Ih satt bii mihhse wunn a tihh wu kad rettyit w'u wu'an kihh nyi diy se, tihh rettyit keewu gam diy.

Mihh wu kyeer w'aar keena bhi wunn p'ee so-kihkyeen kihh t'ong dhighin wall keena, kaa wu'an a kyeer w'aar khi Daa bhi ih kihh tong dhighin wall khinyi se zag.

A mihhse a w'aar keena ni: w'u wall shag.

Kaddyinn wunn a mhi yill ni, bhi dyinn nyi p'ee dh'om wunn p'ee wunn diy a mhinyi. Dhangg baah wunn a mhi yill ni mou, yakhal a'n ih blihp wunn lhipwat dhighin yill ni. Pee'mhinyi bhi yill ni p'ee shiih kihh wunn.