'Olic 86မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

TAPANGAW, nanay pasifana'en Iso kako to rarakaten ako a lalan, o dado^doen ako ko so'lin Iso, nanay pasifana'en Iso kako to nika samaanen ko pisarocod a mangodo i Tisowanan.

Tapangaw, o nga'ayay Kiso o maolahay a misolol to raraw, talolong ko sini'ada Iso to milongocay i Tisowanan.

Tapangaw, o karaadayayay, o karasida'itay a Kawas Kiso, o caay ka narikay a makter, o matomesay no sini'ada ato so'lin.

Tapang a Kawas ako, masarocod ko faloco' ako a pahmek i Tisowanan, o papa'dil kako a tahada'oc to ngangan Iso.

Ano mapades kako i, mitahidang kako a milongoc i Tisowanan, nawhani o mitngilay Kiso to pitolon ako.