Maroko 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

'Aloman ko tamdaw a macacofliflis. Saka, awaay ko limaw nangra a komaen. Saka, pasowal sa ci Yis i cangraan, <<Tatata. Miliyas kita a tayra i kato'olan. Ta pacna' kamo a pahanhan itira,>> han Ningra.

Pasowal sa ci Yis i cangraan, <<O mikangodoan no i cowacowaay no niyaro' no tireng, ngangasawan ato paro no loma' ko pali'ayaway to sowal no Kawas,>> saan.

Yo ma^pod ci Yis nai tamina i, nengneng sa Cingra to 'alomanay a tamdaw, saadayay sa ko faloco', nawhani matiya to nipalafelan a siri cangra awaay ko midipotay. Saka, satapang sato Cingra a pasifana' i cangraan to adihayay a dmak.

Orasaka, caay pidmak ci Yis to ccaccay aca a kafahka'an a dmak itira. Deng o pikapa Ningra a miadah to papinapina a adadaay a tamdaw. Safahka' sa ci Yis to nika ^ca paso'lin nonini a tamdamdaw. Pararid ci Yis a romakat to kasa niyaroaro' a pasifana' to tamdaw.

Itiya i, tatoy sato ci Yis toya limaay a 'aplad no ^pang atoya tosaay a foting. Ca'ngaw sa Cingra a pasikakarayan a mikansiya to Kawas. Ta pcih sa to ^pang a papipakilac to nisawawaan, pakilacen no nisawawaan ko tamdamdaw. Haenen Ningra koya tosaay a foting a papipakilac i tamdamdaw. Mafcol cangra a ma^min a komaen. Sa'opo han no nisawawaan ko kinapcih nangra a ^pang ato 'osaw a foting i, matomes ko tosa ko safaw a fakar.