लुका 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

दोसरके देब्‍ही त परमेस्‍वर तोरोसबके देतौ। परमेस्‍वर त हिल्‍याके, दाइबके आ उटुङ-टुटुङ कैरके हर्‌या ढर्‌याके देतौ। कथिलेत जै नाइपजोखके देब्‍ही ओहै नाइपजोखसे फिरता पाबबिही।”

असल लोक आपन मनके भितरसे असल बात निकालैछै। खराब लोक आपन मनके भितरसे खराबे बात निकालैछै। कथिलेत जे बात मनके भितरमे रहैछै ओहिना बात बोलैछै।”

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

तोरासबके परमेस्‍वर पिता जेहन दयालु छौ, तुहुसब ओहिनङ दयालु हो।

“ककरो दोस नै लगा तोरोसबके परमेस्‍वर दोस नै लगाइतौ। दोसरके गलत नै ताक तब परमेस्‍वर तोरोसबके गल्‍ती नै ताकतौ। लोकसबके छमा दहै तब परमेस्‍वर तोरोसबके छमा करतौ।

“महज हमर बचन सुनैबाला सबकोइके कहैचियौ, सतरुवोके परेम कर आ घिरना करैबलाके भलाइ कर। सरापैबलाके आसिरबाद दहै। तोरा अधलाह करैबलाके लेल परथना कर।

औरो लोकसे तुसब जे कराबैले चाहैचिही, तुहुसब ओकरो ओहिनङ कर।

कोइ तोहर एकटा गालमे थपराइछौ त दोसरो गाल थैपदहै। कोइ तोहर धोती आ कुरता लेजाइ बलाके पगरियो द्‍या दहै। जे माङैछौ तकरा दहै, जे तोहरसे लैछौ ओकरसे फिरता नै माङै।

“कोनो भि असल गाछमे खराब फल नै फरैछै, तैहनङ कोनो भि खराब गाछमे असल फल नै फरैछै।

सबगाछ ओइके फरसबसे चिन्‍हल जाइछै। काँटके झारसे अनार नै तोरैछै नै त अङगुर बिछैछै।