မႃႇလၶီႉ 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ဢွၼ်​ၵၼ်​ဢဝ် သိပ်း​ပုၼ်ႈ​ပုၼ်ႈ​ၼိုင်ႈ​ၵႃႈ​မီး​ၼၼ်ႉ သႂၢင်း​ၶဝ်ႈ​ၵႃႈ​ၼႂ်း​တိူၵ်ႈ​ၽၼ်ႇတႃႇ ႁႂ်ႈ​တၢင်း​ၵိၼ်​တၢင်း​ၶူပ်း လႆႈ​မီး​ၵႃႈ​ၼႂ်း​ႁိူၼ်း​ၵဝ်​တႃႉ။ ဢွၼ်​ၵၼ်​ၸၢမ်း​တူၺ်း ၸိူဝ်ႉ​ၼင်ႇ​ၼၼ် ႁႂ်ႈ​လႆႈ​ႁူႉ​လွင်ႈ​ဢၼ်​ၵဝ်​တၵ်း​ၽုၺ်ႇ ႁူး​လၢင်း​တဵၼ် ၽႃႉ​ၵၢင်​ႁၢဝ်​တင်း​လၢႆ သေ​လႄႈ ဢဝ်​တၢင်း​လီ​မင်ႇၵလႃႇ သွၼ်း​လေႃႇ ထၼ်ႈ​ပေႃး​လူၼ်ႉ​၊ပေႃး​လိူဝ်​ႁိုဝ်။ တၵ်း​ဢမ်ႇ​ၽုၺ်ႇ​ႁိုဝ် ၼၼ်ႉ​တႃႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။

ၵဝ်​တၵ်း​သင်ႇ​သွၼ်​သုင်း​မႃႉ တူဝ်​ဢၼ်​ၸၢင်ႈ​ၶူပ်း​ၵိၼ်​ၼၼ်ႉ ပုၼ်ႈ​သူ​လႄႈ မၼ်း​ၼၼ်ႉ ဢမ်ႇ​လႆႈ​ယႃႉ​မၢၵ်ႇ​လိၼ်​၊ႁူင်း​လိၼ်​သူ​ပႅတ်ႈ။ တိၼ်ႇ​မၢၵ်ႇ​တူၼ်ႈ​ၶိူဝ်း​မၢၵ်ႇ​ၸပိတ်ႈ​သူ​ၼၼ်ႉ တၵ်း​ဢမ်ႇ​လူၼ်ႇ​တူၵ်း​ႁူင်ႈ​တူၵ်း​ၵႃႈ​ၼႂ်း သူၼ်​ဢူးယဵၼ်ႇ​ၸပိတ်ႈ​သူ ၸူဝ်ႈ​ဢၼ်​မၼ်း​ဢမ်ႇ​ပႆႇ​ၵႄႇ၊​ပႆႇ​သုၵ်း​ၼၼ်ႉ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ်​ထႃႇဝရႃႉ​ၽြႃး မီး​ဢမိင်ႉ​ဢေႃႈ။- ၵူၼ်း​ၵူႈ​ၸိူဝ်ႉ​ၵူႈ​မဵဝ်း တၵ်း​ဢွၼ်​ၵၼ်​ႁွင်ႉ​ႁဵၵ်ႈ​သူ ၵေႃႉ​ဢၼ်​မီး​မင်ႇၵလႃႇ​လႄႈ မိူင်း​သူ​ၵေႃႈ တၵ်း​ပဵၼ်​မိူင်း​ဢၼ်​လီ ထုၵ်ႇ​ၸႂ်​ၵျိူၵ်ႈ​ၸႂ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။

ၶဝ်​ၼၼ်ႉ​တၵ်း​ပဵၼ်​ဢုၵ်ႉ​ၸႃႇ​ၵဝ် ၼႂ်း​မိုဝ်ႉ​ဝၼ်း​ဢၼ် ၵဝ်​ၸီႇ​ယၢင်ႇ​ၽၼ်ႇတႃႇ ဢၼ်​ၵဝ်​ထိူၵ်ႈ​ပိူင်ႇ​ၼၼ်ႉ​ဝႆႉ ၼၼ်ႉ​ဢေႃႈ။ ၵဝ်​တၵ်း​သေ​လၢႆ​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ​ဢၼ် ပေႃႈ​သေ​လၢႆ​လုၵ်ႈ​ၸၢႆး ဢၼ်​ႁဵတ်း​ပွင်​ဢမူႉ​ပေႃႈ​ယူႇ ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။- မိူဝ်ႈ​ၼၼ်ႉ သူ​တၵ်း​သမ်ႉ​ဢွၼ်​ၵၼ်​ၸၵ်း​ၽႄ​လႄႈ ႁူႉ​ၵေႃႉ​ဢၼ်​သိုဝ်ႈ​တေႃႇ၊ ၵေႃႉ​ဢၼ်​ဢမ်ႇ​သိုဝ်ႈ​တေႃႇ၊ ၵေႃႉ​ဢၼ်​ပွင်​ႁဵတ်း​ဢမူႉ ၽြႃး​ပဵၼ်​ၸဝ်ႈ၊ ၵေႃႉ​ဢၼ်​ဢမ်ႇ​ပွင်​ႁဵတ်း​ၼၼ်ႉ​ဢေႃႈ။

တူၺ်း​လူး။ ၵဝ်​တၵ်း​ပွႆႇ​ၸႂ်ႉ​တမၢၼ်ႇ​ၵဝ် ဢၼ်​တၵ်း​မႄး​သဵၼ်ႈ​တၢင်း​ဢၼ်​ၵဝ်​ၵႂႃႇ​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၸဝ်ႈ​ဢၼ်​သူ​ႁႃ​ၼၼ်ႉ တၵ်း​ၽုတ်း​ၽၢတ်း​ႁွတ်ႈ​မႃး ၵႃႈ​တီႈ​ပိၵ်ႈ​မၢၼ်ႇ​ၸဝ်ႈ ၵမ်း​လဵဝ်​ဢေႃႈ။ တမၢၼ်ႇ​ပတီႉၺိၺ်ႇ​ၸဝ်ႈ ဢၼ်​သူ​ထုၵ်ႇ​ၸႂ်​ၵျိူၵ်ႈ​ၸႂ်​ၼၼ်ႉ၊ တူၺ်း​လူး။ ၸဝ်ႈ​ၼၼ်ႉ တၵ်း​ႁွတ်ႈ​မႃး​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​မီး​ဢမိင်ႉ​ဢေႃႈ။