ሉቃስት ወንጌል 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ይውጥን! እደረም ክታጭስ ነይጡ፤ ክትን ሚክትርነው ሚክረነይዝ እደረም ክታጭስ ሚክርጡ፤ ያውም ጥቒታ ሚክርሽ ቅብርጢስቅ ሚክር ነይጡ።»

እጅር ጝጊዝዊዝ እቻቕ ቲርፈውድየንት ጝምቸይዝ ዊግተኵ፤ ኣቓንስቅም ቀሰው እጅር ጝጊዝዊል እቻቐው ቀሰው ዊገይስ ቀሰቍድ ፊሰኵ፤ ጭቓ እጅርም ጝጊዝዊል እቻቐው ጭቓ ዊገይስ ጭቕድ ፊሰኵ።»

ዊገድ ግን ክታፃለታንድዛት ቀንጥን፤ ጛጭስም ቀሰው ዊገ ፃቭጥን፤ ዊስን ለምረነው ቲስፈ ፃቪጝቀ እድውስጥን፤ እኒንት ፃቭርንሽ ክታወየድ ኽየው ኣጡ፤ ልውል እደረት ቝርም ኣትርንቅ፤ እደረ ሚዝየነ እጀቊዝመ ጭቒዝቅ ቀሰው የጝ።

ክታይር እደረ እርዅርዅ ኣቐጘ ክትንም እርዅርዃን ኣጥን።»

«ክታግልም እደረ ፊርዳይየጘ ኣውማውትልቅ ፊርድትርነ፤ ክታትም እደረ ኲንናይየጘ ኣውማውትቅ ኲንንትርነ፤ ክታትም እደረ ሳቝርጠ ማጥን ሳቝጥን።

«ዊገድ ግን ክትን ወሽርነቂዝ ድቈኵን፤ ክታፃለታንድዛት ቀንጥን፤ ክታት ሽክተቊዝም ቀሰው ፃቭጥን። ክታት እፀቍድዛት ጊቭጥን፤ ክታት ቢድለቊዝም ፃልይጥን።

እቅ ክታጭስ ፃቭጥጘ በንርነውድየንትቅ ክትንም ላጢዝ ፃቭጥን።

ክላው ጥቋድ ጣዘዊዝ ክሊጘትረ ጥቋድ ዊስር ይይ፤ ክኵተድ ፊሰዊዝ ክኪተድም ቈሽር ይይ። ክት ጨወዊዝቅ ይይ፤ ክጊንዝቭድ ፊሰውድየንት ዊሽ ይር ዋቕርተ።

«ቀሰው ዘፍ ጭቕ ፍር ፍርዛውም፤ ጭቓ ዘፍ ቈሽ ቀሰው ፍር ፍርዛውም።

ዘፍቅ ጝፍረይዝ ረሰኵ፤ ኣሚስ በለስ ፍር ችጝሻውም፤ ቀቅቨይዙ ቍጥቋጠይስም ወይንዙ ፍር ቀቭሽታውም።