ወንጌል ዘማቴዎስ 16မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ወእምዝ ይቤሎሙ እግዚእ ኢየሱስ ለአርዳኢሁ ዘይፈቅድ ይትልወኒ ይጽልኣ ለነፍሱ ወያጥብዕ ወይንሣእ መስቀለ ሞቱ ወይትልወኒ።

ወአንሰ እብለከ ከመ አንተ ኰኵሕ ወዲበ ዛቲ ኰኵሕ አሐንጻ ለቤተ ክርስቲያንየ ወአናቅጸ ሲኦል ኢይኄይልዋ።

ወእሁበከ መራኁተ መንግሥተ ሰማያት ወዘአሰርከ በምድር ይከውን እሱረ በሰማያት ወዘፈታሕከ በምድር ይከውን ፍቱሐ በሰማያት።

ወዘይፈቅድ ያድኅና ለነፍሱ ለይግድፋ ወዘሰ ገደፋ ለነፍሱ በእንቲኣየ ይረክባ።

ወምንት ይበቍዖ ለሰብእ ለእመ ኵሎ ዓለመ ረብኀ ወነፍሶ ኀጕለ ወምንተ እምወሀበ ሰብእ ቤዛሃ ለነፍሱ።

ወይቤሎሙ አንትሙሰኬ መነ ትብሉኒ። ወአውሥአ ስምዖን ጴጥሮስ ወይቤ አንተ ውእቱ ክርስቶስ ወልደ እግዚአብሔር ሕያው።

ወአውሥአ እግዚእ ኢየሱስ ወይቤሎ ብፁዕ አንተ ስምዖን ወልደ ዮና እስመ ኢከሠተ ለከ ዘሥጋ ወደም አላ አቡየ ዘበሰማያት።