മത്തായി 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ഈ കാര്യഗാള്‌ന ബ്‌ഡ മുക്ക്യമായി സാമി നിമാന ആള്യ ബേ്ണ്ടിമ് സാമി ആസെപഡുവ പാസെ നേര്‌മെഗാറാരായി പെ്ളേക്ക്യ ബേ്ണ്ടിമ് നിമ്മ ആസെപഡ്‌ന്. അന്നാപ്പ് ഈ കാര്യഗാളൊട്ടുക്കു നിമാക്ക് കെ്ഡേക്ക്‌മ്.

അദ്‌നാലെ നാളേക്കുള്ള കാര്യന പറ്റി അര്‌ക്കപഡാദേന്. നാളേക്കുള്ള കാര്യന പറ്റി നാളേക്ക് അര്‌ക്ക പട്ട മദി. ഒന്റൊന്റു നാള്‌ക്ക്‌മ് അദാദ് നാള്‌ക്കുള്ള ബുദ്ദിമുട്ടുഗാള് ഇര്‌ക്ക്‌ന്റ്.>>

<<അദ്‌നാലെ നാന് നിമാക്ക് സൊല്ലുവാദ് എന്തെന്റ് സൊന്ന: പെ്ളേക്ക്യ ബേ്ണ്ടി എന്ത്‌ന തിന്നുവേന്, എന്ത്‌ന കുഡിക്കുവേന് എന്റൊ എന്ത്‌ന ഇക്കി ഉരുവുന മറേസുവേന് എന്റൊ നെനേത്ത് നിമ്മ അര്‌ക്കപഡാദേന്. തീനിന ബ്‌ഡ ഉജുരുമു സീലെസിലാപ്പ്‌ന ബ്‌ഡ ഉരുവുമു ദൊഡ്ഡാദല്ല?

ആന നീ പരേസ്‌ഗാട്ടി കുച്ചുകുളാക്ക് പോയി ബാസന അഡേത്ത് ആര്‌മ് കാണാദിര്‌ക്കുവ നിന്ന് അപ്പാനാന സാമിക്ക് പരേസ്. നീ സൂഗാന ഗേവാദ്‌ന കാണുവ അപ്പാനാന സാമി നിനാക്ക് കൂലി തരുവാന്.

അദ്‌നാലെ പരേസ്‌ഗാട്ടി നിമ്മ ഇത്തെ പരേസ്‌ന്: <മേലോഗാത്ത്‌ല എമ്മ് അപ്പാനെ, നിന്ന് പേര്‌ന എല്ലാര്‌മ് മദ്‌സുഡോമെ, സാമി ആളുവ കാല ബരുഡോമെ. മേലോഗാത്ത്‌ല് നിനാക്ക് പ്‌ഡിത്ത കാര്യഗാള് നഡാക്കുവ പാസെ ബൂമില്‌മ് നിനാക്ക് പ്‌ഡിത്ത കാര്യഗാള് നഡാക്കുഡോമെ.

ഇന്റ്‌ലാദ്‌ക്ക് എമാക്ക് ബേ്ഡ്‌മാന തീനി ഇന്റ് തരുഡോമെ.

അഡ്‌ത്തവാര് എമാക്ക് ഗേന്ത പാവഗാള്‌ന എമ്മ പൊറുത്ത പാസെ എമ്മ ഗേന്ത പാവഗാള്‌നാമ് പൊറുക്കുഡോമെ.

പാവ ഗേവ ആസേക്ക് എമാന സിക്ക്‌സാദെ കെ്ട്ടവാന് കയിലിന്ത് എമാന കാപാറ്റുഡോമെ. എന്ത്‌ക്കെന്റ് സൊന്ന എന്നാല്‌ക്ക്‌മ് എല്ലാ നാഡ്‌ന ആള്‌ന്റവാന്‌മ് മ്‌ഗ്‌ന്ത ബില ഇര്‌ക്ക്‌ന്റവാന്‌മ് മ്‌ഗ്‌ന്ത മദ്‌പ്പിര്‌ക്ക്‌ന്റവാന്‌മ് നീത്തെ, ആമേന്.>

അഡ്‌ത്തവാര് നിമാക്ക് ഗേന്ത കുറ്റഗാള്‌ന നിമ്മ പൊറുത്തദാന മേലോഗാത്ത്‌ലിര്‌ക്കുവ നിമ്മ് അപ്പാന്‌മ് നിമ്മ ഗേന്ത കുറ്റഗാള്‌ന പൊറുക്കുവാന്.

ബാന്‌ല് പറാക്കുവ പക്കിഗാള്‌ന നോഡുനു. അദ്‌ഗാള് ബിത്തുവാദ്‌മില്ലെ, അറുക്കുവാദ്‌മില്ലെ, ബല്ലാക്ക് അട്ടി ബെക്കുവാദ്‌മില്ലെ. എന്റിന്ത്‌മ് മേലോഗാത്ത്‌ല നിമ്മ് അപ്പാന് സാമി അദ്‌ഗാള്‌ന പെ്ളേസ്‌ന്റാന്. ആന നിമ്മ അയി പക്കിഗാള്‌ന ബ്‌ഡ എത്ത്‌റാഗോ ബെലെ ഇര്‌ക്ക്‌ന്റവാരല്ല?

<<സിദാല് തിന്നുവാദ്‌മ് തുരുമ്പുപ്‌ഡിക്കുവാദ്‌മ് ത്‌റ്‌ട്ടാര് ഓട്ടെ മാഡി ത്‌റ്‌ഡിമ് എ്ഡ്‌ക്കുവ ഈ ബൂമില് നിമാക്കുള്ള സൊത്തു സേത്തി ബെക്കാദേന്. ആന സിദാല് തിന്നത്താദ്‌മ് തുരുമ്പു പ്‌ഡിക്കത്താദ്‌മ് ത്‌റ്‌ട്ടാര് ഓട്ടെ മാഡി ത്‌റ്‌ഡി എ്ഡ്‌ക്കാദേമ് ഇര്‌ക്കുവ മേലോഗാത്ത്‌ല് നിമാക്കുള്ള സൊത്തുന സേത്തി ബെയിന്. നിമ്മ ഏദ്‌ല് സൊത്തു സേത്തി ബെത്ത്‌റ്‌ക്ക്‌ന്റ്‌റൊ അദ്‌ല്‌ത്തെ നിമ്മ് മനേസ്സ്‌മ് ഇര്‌ക്ക്‌മ്.>>

റാഡ് പണ്ണാഡിഗാള്‌ക്ക് ഗിലാസ ഗേന്ത് കൊഡുക്ക്യ ആര്‌ക്ക്‌മ് മുഡ്യാമാട്ട. അത്തെ ഗേന്തദാന അയാള് ഒന്റാള്‌ന പഗേത്ത് ഇന്ന്യൊന്റാള്‌ന സീവാന്‌ബെത്ത് നഡാക്കുവാന്. ഇല്ലപോന ഒരുത്താനോഡ എ്ണേന്ത് ഇന്ന്യൊന്റാള്‌ന തള്ളുവാന്. അദ്‌നാലെ ഒന്റേ സമ്യ സാമിക്ക് ബേ്ണ്ടിമ് സൊത്തുക്കു ബേ്ണ്ടിമ് നിമാക്ക് ഗിലാസ ഗേയ മുഡ്യാമാട്ട.>>

ഇന്നാലിര്‌ക്കുവാദ്‌മ് നാളേക്ക് തീക്കിക്കി സുട്ടുമു തള്ളുവ ഈ സെ്ഡിന സാമി ഇത്ത്‌റാക്ക്‌മ് അളഗളാഗ മാഡുവദാന സാമ്യോഡ ദൊഡ്ഡ നമ്പിക്കില്ലത്തവാരെ, സാമി നിമാന എത്ത്‌റ നലമായി ഉഡുപ്പിക്കുസുവാന്.

ആന നിമ്മ ഏ്ളെഗാള്‌ക്ക് ദാന ഗേഗാട്ടി ആര്‌ക്ക്‌മ് തെര്യാദെ ഗേന്. അന്നാപ്പ്‌ത്തെ അദ് സൂഗാന ഗേവാദാമ്. അത്തെ നിമ്മ സൂഗാന ഗേവാദ്‌ന കാണുവ നിമ്മ് അപ്പാനാന സാമി നിമാക്ക് കൂലി തരുവാന്.>>

<<നിമ്മ് സട്ട്‌മെ്ട്ട്‌പഡി ഗേവ കാര്യഗാള്‌ന ആള്‌ഗാള് കാണ്യ ബേ്ണ്ടി നിമ്മ അവാര് കണ്ണ്‌മുന്നുക്കു ഗേഗാദേന്. അത്തെ ഗേന്തദാന മേലോഗാത്ത്‌ല നിമ്മ് അപ്പാന് കയിലിന്ത് നിമാക്ക് കൂലി കെ്ഡേക്കമാട്ട.

<<നിമ്മ തീനി തിന്നാദിന്ത് പരേസ്‌ഗാട്ടി ബക്‌തിഗാറാരായി നഡിക്ക്‌ന്റവാര്‌ന പാസെ മോന്തെ ബഡിക്കി ഇര്‌ക്കാദേന്. അവാര് തീനി തിന്നാദെ പരേസ്‌ന്റാര് എന്റ് ആള്‌ഗാള്‌ക്ക് കാട്ട്യ ബേ്ണ്ടി മോന്തെന സൊക്കസൊക്ക മാഡ്‌ന്റാര്. അവാര്‌ക്ക് കെ്ഡേക്കുവ കൂലി ഒട്ടുക്കു അവാര്‌ക്ക് കെ്ഡേത്ത്‌ദ് എന്റ് നാന് സത്ത്യമായി നിമാക്ക് സൊന്റെ. ആന നിമ്മ തീനി തിന്നാദിന്ത് പരേസ്‌ഗാട്ടി മോന്തെന കച്ചി തലേന ഈരി ഗുളുഗുള ഇര്‌ന്. അന്നാപ്പ് ആര്‌ക്ക്‌മ് കാണ്യ മുഡ്യാത്ത നിമ്മ് അപ്പാനാന സാമിക്കല്ലാദെ ബേ്റെ ആര്‌ക്ക്‌മ് നീ തീനി തിന്നാദിന്ത് പരേസ്‌ന്റായി എന്റ് തെര്യാമാട്ട. നീ സൂഗാന ഗേവാദ്‌ന കാണുവ അയി നിന്ന് അപ്പാനാന സാമി നിനാക്ക് കൂലി തരുവാന്.>>