Maroma 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Muloŋa wufwetu wanshidi hikufwa, ilaŋa chamukunkulu chaNzambi hiwumi wahaya nyaka, mudi Kristu Yesu, Mwanta wetu.

Muloŋa nshidi hiyikwikala mwanta wenuku; muloŋa mudi kuluwi, himudi kunshimbuku.

Dichi kuchipapatishu atujiikili chimu nindi twiŋili mukufwa, kulonda chasaŋwiluwu Kristu mudi afu nakulema kwaTata, dichi ninetu nawa twendi muwumi wawiha.

Hela yidi yenu yamujimba, bayi muyilubula kunshidi yiikali yakukoŋa nachu nyidimu yaheŋaku. Chiŋa mudilubuli kudi Nzambi, nenu muyantu anasaŋuki dehi mukufwa; mulubuli yidi yenu yiikali yakumukala kelaŋa Nzambi nyidimu yaloŋa.

Chituneluki netu muntu wetu wamukulu amupopeleli hamu naYesu kukulusu, kulonda mujimbiwu wanshidi wili wamukunkulwayi, kulonda kufumisha henohu tubuli kwikala nawa cheŋi muwuduŋu wanshidi.

Choche nochu nawa ninenu aweni difuukulenu nenu kunshidi muyafu, hakwinza mudi Kristu Yesu munekali amomi akuhandila Nzambi.

Tukwakula netwidi? Tukakelenu nakuvulumuna kulonda luwi luvuli, tahindi? Chinjila! Etu twafwili dehi, kunshidi tuyafu, tukutwesha kuhandilamu cheŋi ŋahi?

Mweluka dehi, neyi mukudilubula kudi muntu mwili anduŋu jindi akumwovwahila, muneli dehi anduŋu janowu mwovwahilaŋa; hela janshidi nakutwala kukufwa, hela jakwovwahila nakutwala kukuloŋa.

Ichi dinu, tumusakililenu Nzambi, netu hela mwadiŋi anduŋu janshidi, munekali dehi akwakwovwahila munyichima yenu kuleja mwayilejeleluwu. Chayi fumishiluwu muwuduŋu wanshidi, mwabalumukili kwikala anduŋu jakuloŋa.