Isaías 43မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Nada' guna to da kub, na na' rekero ke wroe rawe. Wsarja to nez radj latj dach yu billen na guna nench gat yeo raw yu billen.

Chetka terizo gan de nis, nada' serena rwe', chetka rwe' wlayo yeo ka', bi wkoane'n rwe' gana'ze, chetka rwe' terizo raw yi', bi cheyo, yi' llalninen bi wzeyen rwe'.

Na na' Xanllon lle'e yell ke'en: Bill llajdinlallo dan guk kan batna bill guno xbab da ka' baguk kan najnase.

Axha na', Israel, yell ke Jacob, Xanllon ben rwen, lle'e rwe': Bi llebo, nada' basra rwe', nada' balwilla rwe' konen ra'on, rwen nako kia.

le nlliera rwen, daxhen zako rwe', na nada' nlliera rwe'. Nench'na gako kia, na wasra yel nban ko'on bia be'nn nach ake', na latj yell-liw xhen ake'.

Le nadan naka Xano, wasra ko'o, Dios Xhirall ke Israel. Nada' ba wewa rwe', nada' ba bdixhja Egipton, Etiopía, na yellen nzi Sabá. Nench ba got yel wasra ko'o

Bi llebo, le nada' zerenksa rwe'. Xte gan lloj willen, na xte gan llagach willen guna wabi be'nn ko'o ka' nench wadup ake'.

Axha nada', nike dan naka Dios ko'on, llalana damar ko'o ka' na bill llajdinlalla daxhinj ko'o ka'.

Xanllon ba bnee: Re llrere yoyte da ka' lluna, nada' breja re' nakre be'nn wen llin kia, nench'na gumbiere nada', na wxenlallre nada', na chajniere ke tuza nadan naka Dios. Nutno dios ne' su ke nada', na chras nutno sukse du willjwani.

Tuza nadan naka Xanle; tuza nadan gaka wasra re'.

Kan batnate nadan naka Dios. Nutno gak wara raw yelwak kian. Nutno gak wachinj da ka' lluna.

Bayix snia ka' gunxhen akba nada', ba ka' sjanak ke bekw, na ba ka' nzi avestruz ake', le lluna nench'na llra nis latj dach yu billen, yeo ake' raw yu yechen, nench'na yell kian ba biazrallan we ake' da yej ake', yellen ba bxian ba benan kia nench'na weraon nada'.

Yepa ralen: Basan ake', na lle'len: bi wzayo le ake'. Le dadsan xhi'nna biew ka', na xhi'nna nor ka' zit kwis, gan llayull yell-liw nate, yoyte be'nn ka' llazake nadan, be'nn ka' bena, na benchawa, be'nn ka' bena nench'na gun xhen ake' ran.

Xanllon bsarje to nez radj nista'on, to nez radj nis da bi llbe lli, benee nench'na blloj be'nn waka ya nap yelwak, konen karret ke ake', na kabay ake' nench blleyie'en. Bial aken, na bi guk wayas ake'; baran ake' ka to du da zu raw seit da llal.

Nada' naka Xanle, be'nnen ben Israelen, Dios Xhirall, na llnebia re'.