Isaías 41မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Bi llebo, le nada' zerenksa rwe', bi llebo, le nadan naka Dios ko'o. Nada' llundipralla rwe', nada' llakrena rwe', nada' noxa rwe' konen yel korchis kian.

Le nada', Xano, Dios ko'o, ba bexa takon; na nada' ba gulla rwe': Bi llebo, nada' gakrena rwe'.

Yoyte be'nn ka' llwiere rwen waye akre, na si' ake' yelsdo, be'nn ka' llakdilren rwen waya akte kweyi.

Nada' babeja rwe' gan zerawze yell-li'on, zit kwis bayaxha rwe', na gulla rwe': Rwen nako be'nn wen llin kia. Nada' biazralla rwe', na bine' walliya rwe' kale.

Wayirjo be'nn ka' llwiere rwen, na bi wallelro le ake', be'nn ka' llakdilren rwen waran ake'.

Xanllon ba bnee: Israel, yell ke Jacob, lakse nako to da daoze, na bindiprallo bi llebo, nada' gakrena rwe' Nada', Dios Xhirall ke Israel, naka wasra ko'o.

Bzenay, Israel, yell ke Jacob, be'nn wen llin kian, nun ba biazrallan, yell ke xustaw ke be'nn nlliera nzi Abraham

Guna nench'na garj yeo raw ya' yech ka' na ra nis radj rach ka', wayuna latj dach yu billen ga wayull nis, na guna nench'na lloj yeo raw yu yechen.

Be'nn yiach ka', na be'nn ka' bitbi nap ake' llayirj ake' nis na bi llallel akren. To ba niech rull aken, nike dan llbil akren, axha nada', Xanle, wzenina le ake', nada', Dios ke Israel, bi wsanlalla le ake'.

¿Nuxhan ba ben ke dani? ¿Nuxha, xte nellte ba broe xneze gakren gak? Nada', Xanle, tuze Dios danellte, na gan llayullten.

Raw latj dach yu billen gaza yay cedr ake', yay dan nzi acacias, arrayanes, na yay olivos; raw yu yechen guna nench'na chiw yay dud ake' konen yayen nzi abetos, na da ka' nzi cipres, nench'na doxhente yell-li'on re akre, na nes akre, na wzenay ake', na chejnie akre ke nada', Xanle, ba bena dani kone yelwak kian, ke nada', Dios Xhirall ke Israelen, ba benan.