Luka 8မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Kore lolo ootodokita atua lkuku naa looning, negor nyamali ee ltauja o parakuoicho o rraa e nkichon. Nemeiu ꞉ninche lng'anayio ooku.

Kore lootii lkarkar naa lolo ooning, laa kore tenening ilo rerei neng'amaa te ng'ida. Kake meata ninche ntana, keiruk nkiti kata, kore payie etum ntemat nerriaa.

Nejoki, <<Amaa, kore nkurukoto inchi?>> Kake neiputukuny ninche, neing'asia, neipara maate aajo, <<Aa ng'ae dei ele, aa kore payie ejoki lkutati o nkare nchi, nening ninye?>>

Kore lolo ootodokita nkoitiei naa lootining'o, nelotu Chitani aitai ilo rerei taatua ltauja lenche, payie meiruk nejeu.

Amu meatae naisudoro nemeibalunyieki, anaa naing'opa nemeipung'unyieki atua wong'an.

Kore payie edol ꞉ana kitok ajo etukurruaki, nelotu eikirikira, nerriaa tekue Yeso. Nelimu tekue ltung'ana pooki ajo aanyo payie eiseyie o neikuna payie eichiunyieki nabokata. Nejoki ꞉Yeso ninye, <<Ntitai, /kinchiunyie nkurukoto ino. Chomie seriani.>>

Nepuo aainyoyie nejoki, <<Lkitok, Lkitok, kindaaitie!>> Neinyuototo, nebuaaki aing'ode ilo kutati o laing'ok le nkare. Neperoo ilo kutati o laing'ok le nkare, neitirring'a nkare.