Luka 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Enchooi, naa keichori ntae te risioroto supat, naruja, neitunyo, nedoodoyo, nebukokino nankan inchi. Amu kore risioroto nintirisiokinyienyie lkulikae naa ninye sii eitirisiokinyieki ntae.>>

Kore ltung'ani supat naa keiu supati taatua nchumat supati e ltau lenye, neiu ltung'ani torno ntorrok taatua nchumat torrok enyena. Amu kore nairo nkutuk, ninche naabore ltau lenye.

Kake entacham lmang'ati linchi, nintaasas ninche supati, ninchocho silen miatata siligi aajo kerrinyokini ntae toki. Naa kore laata inchi keaku kitok, niakuku nkera e Ilo ooisul pooki. Amu kore ninye, naa kera supat too lolo lemeata nache o too lolo torrok.

Entaa loaata lng'er, ana payie eata Papa linchi lng'er.

<<Eminguanare, naa meiguanareki ntae. Emidung'oki lkulie nkiguana torno, naa medung'okini ntae. Entapaliki, naa kepalikini ntae.

<<Kake kajoki naa ntae laaning'ito: Entacham lmang'ati linchi, nintaasas supati lolo ooiba ntae. Entamayian lolo oodek ntae, niomonokiki lolo ooitam ntae sina.

Entaasa ltung'ana ana niyieuu neitaas ntae!

Kore tinikioch ltung'ani seder, wuatuwuataki nkae. Naa kore likiworu lkila lino le oriong mimitiki abaki nkila ino e atua. Nchoo pooki likiomon, naa kore pooki likiworu ntokitin inono, mimpar ninye mikitirrinyoki.

<<Meatae lcheni supat ojing lng'anayio torrok, anaa lcheni torno ojing lng'anayio supati

amu keyielouni lcheni pooki taa lng'anayio lenyena, amu meatae lkuku oobosunyieki lng'abolo, nemedeuni lng'anayio lo lmusabibu ta saar loo lkuku.