Luk 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Naimwe nu mugume mweteekateekire, ahabw'okuba timurikumanya bunaku obu Omwana w'omuntu ariiziramu.

Kureka omutima mugumarire aha bukama bwe, haza ebyo byona muryabyongyerwaho.

Bwanyima yaabagira ati: Mureebe kandi mwerinde ekyetwa omururu kyona, manya amagara g'omuntu tigaba mu bi atungire nangwa nobu akutunga ebishaagire.

Manya ahu eitungo ryanyu riri n'omutima gwanyu niho guba.

Omuriimwe hariho owaakubaasa kwongyera aha myaka y'amagara ge, nobu yaakwemereza omutima ata?

Atyo Yesu yaagambira abatendekwa be ati: Nikyo ndikubagambirira nti: Mutaryemerereza omutima eby'amagara gaanyu ebi muraarye, nainga ebi emibiri yaanyu eraajware

Nangwa n'eishokye ry'aha mutwe gwanyu ryona rikabarwa. Timuri b'okutiina, ahabw'okuba muri ab'obuguzi bwingi okukira amagana g'ebiteerankumba.

Imwe obusyo bukye, timuri b'okutiina, ahabw'okuba Shoimwe akasiima kubaha obukama.

Mureebere aha bikoona. Tibibiba kandi tibigyesha; tibigira mabiikiro nobu byakuba ebitara; haza kunu Ruhanga abiriisa. Imwe, ka nimukirira kimwe enyonyi!

Mbwenu imwe, mutarimarira omutima aha bi murirya n'aha bi murinywa, nobu kwakuba okugwemereza.

Mbwenu Ruhanga ku araabe ajweka atyo obunyaatsi bw'omu ishwa, oburiho eri izooba, nyencakare bukanagwa omu kikoomi, kaashwa imwe bantu 'mwe, abaine okwikiriza kukye!

Manya tihariho kishwekirwe ekitarishuuruurwa, nari ekisherekirwe ekitarimanywa.