Maak 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Yesu bʋl, “Ba tʋɔŋ sɩɩfɩaŋ wɩɩŋ nɛ ŋ-la, Iziral tɩmma, má jegile nɩɩ: ‘La Tɩɩna Wɩa ŋaa kʋbala nɛ. Cho ŋ Tɩɩna Wɩa arɩ ŋ tʋɔŋ, ŋ doluŋ arɩ ŋ wɩɩwɩɩ kala.’ Wʋlɩamɩŋ ma nɛ ŋ-la: ‘Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.’ Wɩa niiri-la tʋɔŋ, wɩɩkala tuo a kɩɩ wɩaa deemba balɩamɩŋ.”

Yesu yɩrɛ ʋ harɩ-tooroo a bʋla pɩba, “Wʋtɩtɩɩ nɛ mɩ bʋlaa pɩma, yo-haala deeŋ moribii-bie-la ʋ sɩ joŋo hɛ nɛ kɩɩ nɩalɩŋ moribie-la kala. Nɩalɩŋ kala sɩ joŋ moribiee a pɩ Wɩa, ba lɩɩsa aŋ ka nɛ. Aŋ ka ʋ-na joŋ ʋ summu moribiiŋ kala a hɛ, kʋ-la kala ʋ sɩ kɛnɛ nɛ ŋɩɩ.”

Yesu mʋ hɔŋ lee-la nɩaa sɩ joŋ ba moribiee bil a pɩpɩ Wɩa a nɩna ŋɩɩ ba sɩɩ hɛ. Nɩalɩŋ sɩ kɛŋ kɩaa, ba faasa hɩhɛ moribiee. Ŋɩɩ nɛ yo-haal kʋbala ma kɔ. Ʋ ŋaa summu nɛ a ma joŋ amiisimba balɩa a hɛ. Kɔbʋ nɛ ŋɩɩ.

Ŋ sɩ cho Wɩa arɩ ŋ tʋɔŋ, ŋ doluŋ arɩ ŋ wɩɩ-wɩɩkala, a cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ, ʋ nɛ kpɩa ŋ sɩ joŋ pʋsʋŋ kpʋ a nyɩga pɩ Wɩa, koo ŋ sɩ joŋ kɩaa dɔnsʋŋ a bile pɩ Wɩa.”

Ŋɩɩ nɛ ʋ bʋla pɩba, “Tɔɔ, má joŋ Rom tinteeŋ kuoru-balɩŋ kɩaa pʋ aŋ joŋ Wɩa ma kɩaa pʋ.” Yesu sɩ bʋl ŋɩɩ, ba niiriŋ kala maa.