Iuanna 21မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Anakka okin thoꞌrkot cik, aIeccuo iꞌrekat oCcamaan oPoththuruc itti, “Camaan ukul woIuanna, ngkwongothin cannan nolon elli appiki?” Akwothïanthok tit itti, “Ïï Ili win, ngkwinan itti mpongothung.” AIeccuo omekathok itti, “Oꞌrkie lungkat lin cik kicce.” Akwappipittathok attang itti, “Camaan ukul woIuanna, ngkwongothini?” Akwothïanthok tit itti, “Ïï Ili win, ngkwinan itti mpongothung.” AIeccuo iꞌrekathok itti, “Okatha lon lolangkat lin.” Ana kwothikkiekathe maꞌri mꞌrapuruk akwipittothok itti, “Camaan ukul woIuanna, ngkwongothini?” APoththuruc uakat ka akka oIeccuo pipittothok lon othikkie maꞌri mꞌrapuruk itti, “Ngkwongothini?” Akwomekathok itti, “Ili win, ngkwina lon appik ana ngkwina itti mpongothung.” AIeccuo iꞌrekathok itti, “Oꞌrkie lungkat lin cik.

Mpiꞌret non lon ilaik ïcat itti caꞌri ica ngkwokat puꞌrit, ngkwokat ako eret ngkarkkang ana aeo na ngkwongothe itti ngkwaeo. Anaruk amma ngkwothakkat thomocco, ngkwathie nyaun akin akieng eret ana okin onekothung na ngkwꞌrat eo.”

Akwomekat kin itti, “Norret loꞌrak lape thokkun wothothari wokuppuꞌrung konoiꞌri ana nthiꞌriththa ape.” Manakka okin thorrethe loꞌrak than, akin iꞌriththakat ape akin ommakat otho akka ape wokat woppot cannan.

ACcamaan oPoththuruc iꞌrekat kin itti, “Mpaik paeo iape.” Akin iꞌrekathok itti, “Oron thaeo unnaththut.” Akin oingkat akin arrat ikuppuꞌrung konoiꞌri, anaruk caꞌri cen ngkoꞌra okin thakorronno occokat papꞌrek aththik.