MATTHEW 16မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Tua ciengin Jesu in a nuazuite kungah, “Mi khatpo ka nuazui a suo nop leh, a deina nuolin a singlamte puo-in ei zui ta heh.

Ke’n kang ci-in, nang Peter na hi a, tami suongpi tungah ka hlattuom pawlpi ka lam ding hi, Misi khuo kotpite in tua hlattuom pawlpi a zo sih ding hi.

Vantung gam tawhtangte nang kang pie ding a, leitunga na hen poma vantungah zong kihen ding a, leitunga na sut poma vantungah zong kisut ding hi,” a ci hi.

Azieh pen amau’ hinna a hundam nuomte in a hinna uh tan ding a, keima zieha a hinna a taante in a hinna uh a mu ding uhi.

Bangzieh ahei cile amate in leitung buppi a nga vangin a hinna uh suplaw uleh bang phattuomna nga ding uh ahei? Ahi sihle a hinna uh bang tawh hleng theikia ding uh ahei?

Ama in amate kungah, “Tua ahile note in kei koi hi, nei ci vuoi?” a ci hi. Simon Peter in, “Nang a hing zing Pasien Tapa Messiah na hi hi,” a ci hi.

Tuale Jesu in ama kungah, “Jonah’ tapa Simon aw, thupha nga na hi hi! Azieh pen tam thu tahsa le sisan in ang theisah ahi sih a, vantunga a om ka Pa in nangma tunga ang theisah ahi zaw hi.