Римдиктерге 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Анткени Кудайдын Падышачылыгы эмне жеп, эмне ичкенибизде эмес. Ал – Ыйык Рух ыроологон адилдик, бейпилдик жана кубаныч менен жашаганыбызда. Машаякка мына ушинтип кызмат кылганыңар Кудайдын көңүлүнө да толот, башкалардын колдоосуна да татыйт.

Жашасак да, Эгебиз үчүн жашайбыз, жаныбызды берсек да, Эгебиз үчүн беребиз. Ошентип, жашасак да, өлсөк да, Эгебиз менен болобуз.

Ошентип, арабызга тынччылык алып келип, бири-бирибизди бекемдеп турган нерселерди жасоону көздөйлү.

Демек, бири бирибизди айыптаганыбызды токтотпосок болбойт. Андан көрө, боордошторубузга кедерги болгон же азгырган иштерди жасабайлы деген чечимге келели.

Анткени Ыйык Жазууда айтылгандай, «Жараткан Эге айтат: ант беремин Өзүмдүн атым менен, бардык элдер Алдымда тизе бүгөт, ар бир пенде Оозу менен Кудайым деп тааныйт Мени». Ошентип, ар бирибиз кылган ишибиз үчүн Кудай алдында жооп беребиз.

Ишенимде алсыз болгондорду кабыл алгыла да, алар менен талашпагыла.

Бирөөнүн кызматчыларын айыптагандай сен ким элең? Алардын айыпталар-айыпталбасын өз ээси билет. Аларды колдоп, айыпталбагандай кылууга Эгебиздин кудурети жетет.