Марк 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Эгер колумдан келсеби? – деди Ыйса ага. – Ким ишенсе, ага баарын жасай алам.

Баланын атасы ошол замат: – Ишенем! Дагы катуураак ишенгенге жардам кылагөр! – деп боздоп жиберди.

Ыйса үйгө киргенде, шакирттери Андан өзүнчө: – Эмне үчүн биз аны кубалап чыга албадык? – деп сурашты. Ыйса: – Аны сыйынуу менен гана кууп чыгарууга болот! – деп жооп берди.

Туз – жакшы нерсе! Эгер ал даамын жоготсо, аны кантип калыбына келтиресиң? Жан-дүйнөңөрдө «туз» болсун жана өз ара ынтымактуу жашагыла.

Ким ушундай балдардын бирин Мен үчүн кабыл алса, Мени кабыл алганы, ал эми ким Мени кабыл алса, Мени эмес, Мени Жибергенди кабыл алганы, – деди.

Силерге бир чындыкты айтып коёюн: ким силерге «булар Машаякка караштуулар» деп, Мен үчүн бир чыны суу берсе, ал сөзсүз өз сыйлыгын алат.

Ал эми кимде-ким Мага ишенген мына бул кичинекейлердин бирин азгырып, күнөөгө батырса, ал үчүн мойнуна тегирмендин ташы байланып, деңизге ыргытылганы оң болмок.

Эгерде сени көзүң күнөөгө азгырып жатса, анда аны чукуп сал! Эки көзүң соо тозокко ыргытылгандан көрө, бир көзүң менен бейишке чыкканың жакшы.