Акълова 17မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Гьалмагълис рокьи кӀетӀо-цаццо йо̄слаъ загьир йахъца, къарилъи кьодо йоᵸкъолъ мийахъал ба̄цца иснана.

ЙакӀо аваданлъи – инсан сагъ огьцас дару гей, йакӀо къарид йахъда лӀоьᵸва хъохъос.

Лъоди гьинис йакӀо йугъоллолъи йуᵸцоцала сукӀо гьиниъ божи-рокьи дӣскӀис, бета йакӀо йугъо̄лъи йакӀкьа йоᵸкъолцала гьалмагълъи йугъолца.

Илмо-лъай гаьгьийа йаьже пикро богьна нисос, цӀодораб сукӀона гьинил жу йогъодакьа ахъца.

ГьокӀ йоъинна эчецас аьбдална аᵸкъиллъилаъ икъелца, сикӀо йиᵸхъона эчеда цӀодораблъилаъна бикӀзи о̄с.

Раьгьат-гьаьлкилаъ муьхъчаш хъохъова баьбалаш лукӀма ахо гей, даьъба-йаьжиъ бесал билӀо йоцӀийо зиза̄ хологъана.

Даьъба-йаьже йахъийолъи йеᵸлъейо гей мосийа кӀа̄ьъаш гиса йогицӀал гьаьдур йахъийа эᵸхелъ; даьъба-йаьже йолъола йуьᵸхолъал аьᵸйда̄.

БетӀергьаллил йатӀаъцас къона жо гей – аьйиб гаьгьийо ритӀухъ о̄йолъина аьйиб гаьччал тамбигь бо̄йолъина.