Акълова 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Гьеренаб жавабли симо болъолца, хъачӀабли йаьжи симо йилӀа бийиллис.

БетӀергьаллихъа гьичӀейолъила аᵸкъиллъилаъна адлолаъна уьᵸхо-аьᵸхелца, ца̄ᵸ йеᵸкьал аьᵸйда̄ аьдамлис сабру-мутӀиълъи телилъца.

СикӀас гьеренлъи – чӀаголъилас хоьхо гей, йоᵸтӀолацала сикӀа пасад бо̄с.

Аᵸкъло-насигьат зогъаъда мурадлиъ оᵸкъаъас, аᵸкъло ниццас телибалъда мурад гикьа мокъос.

ЙакӀиъ рохел зогъда мотӀо цӀилӀона бахъца, йакӀкьа мокъова ургъелли йакӀо йугъолца.

БетӀергьаллис гьаьй йоᵸкъаъцас маьче гаьъа: чикейа̄на бегабас, кӀетӀа̄на бегабас.

Йоькькьана йахъна БетӀергьаллихъа гьичӀейолъи ахо гей, тели бечелъина йиᵸхъона, гьолълъола ургъеллиъ ахъийагъа.

Симо гьех бигьцала тушманлъилас цӀо лъишелца, сабру гаьгьийасола даьъба-йаьже йолъолца.

Муъмилли йаьже пикро богьна нисос, лъаькъейа сукӀола сикӀа кешлъи чӀалӀеш.