Матфейица бицараб Рохалил хабар 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Гьебмехалъ жиндирго муридазда абуна гьес: – Хуриб хӏалухъен гӏемер бижун буго, хӏалтӏухъаби дагь руго. Гьеб лъилъизе кверщел кодоб бугев Бетӏергьанасда гьаре лъилъарухъаби ритӏеян.

Гьанже нуж ун лъикӏ, Аллагьасул гьадинал рагӏабазул магӏна лъазабизе: «Нужер къурбанал рокьун гьечӏо дие, нужедаго гьоркьоб гурхӏел-рахӏму бокьун буго». Аллагьасде руссине муъминзаби ахӏизе гуро дун вачӏун вугев, мунапикъзаби ахӏизейин.

Халкъалъул руккел бихьун, гьев гурхӏана, чара хун ва бакъхӏан, вехь гьечӏеб гӏи гӏадин, гьел рукӏиндал.

Гьеб рагӏидал, Гӏисаца гьезда абуна: – Сахазе гурев тохтир хӏажалъулев, унтаразейин.

Гӏиса шагьаразде ва росабалъе хьвадулев вукӏана. Гьезул синагогабазда гӏадамазе вагӏза-насихӏат гьабулаан, Парччахӏлъиялъул хӏакъалъулъ Рохалил хабар лъазабулаан, кинабго унтиялдаса, кинабго щокълъиялдаса гӏадамал сахлъизарулаан.