Genese 39မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

E tei ia Iosepha rā Iehova, i meitaki ei oki aia; e tei te are o tona pu o te tangata Aiphiti ra.

Akaruke ua atura aia i te apinga ravarai nana ra kia Iosepha; kare ua atura aia i akono ua atu i te au mea katoa nana ra, mari ra i te kai tana uaorai i kai ra. E purotu oki a Iosepha i te tu, e te mata meitaki.

E kua tuku maira taua tiaki i te are tapekaanga ra, i te au tangata katoa i tapekaia i roto i taua are tapekaanga ra, kia Iosepha; e te au mea ravarai ta ratou i rave i reira ra, na Iosepha ïa i rave ei.

Kua rave akera taua pu o Iosepha ra iaia, e kua tuku atura iaia ki roto i te are tapekaanga, ki te ngai i tapekaiaʼi te au tangata i tapekaia e te ariki ra; i reira aia i taua are tapekaanga ra. Te vaitata rā Iehova ia Iosepha, e kua takinga-meitaki maira iaia, e i akaperepereia mai aia e te tiaki i taua are tapekaanga ra.

E i muri ake i te reira, kua akara maira te mata o te vaine a tona pu ia Iosepha; e kua tuatua maira, E moe ana taua. Kare ra aia i akatika atu, e kua karanga atura ki te vaine a taua pu nona ra, I na oki toku pu, kare rava aia e akono mai i te au mea katoa iaku i te are nei, e kua tuku mai aia i te au mea katoa nana ki toku nei rima. E kare roa e tangata i maata i teianei are iaku; e kare roa ana apinga i tāpu iaku, mari ra ko koe, ko te vaine nana uaorai: eaa oki au e tikaʼi kia rave i tenana kino maata, e te ara i te Atua?

E i taua au rā ra, aere aturā Iosepha ki roto i te are e rave i tana angaanga; e kare tetai tangata o taua ngutuare ra i roto. Kua opu maira taua vaine ra iaia i tona kakau, na ko maira, E moe ana taua. Kua akaruke atura aia i tona kakau i tona rima, e oro maira, e tae maira ki vao.